1 Samuwɛli 19:20 - ALLALA KUMƐ

²⁰ a ya mɔgɛ donu boloka ko wonu ni ta Dawuda bira nyɔ. Wonu bi kela nyɔ tumɛ min, anu ya a taran, Samuwɛli anubɛ ala karan-dannu bi dɔn-kɛ anubɛ wɔlɔyiya-kuma-fɔɛ kun na. Tiriyante wo rɔ, Marita sɛnbɛ yigira Mansa Sɔlita mɔgɛ wonu kuma, anu fanan donta dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 19:20 Iomraidhean Croise

Yowɛli 2:28

A ko wo wa ban, a si ata Ni-Sɛnimɛ layigi mɔgɛ bɛɛ ma. A ko wola den-keinu anubɛ wola dunmusinu si wɔlɔyiya-kumɛnu fɔ. Wola kinanu si kiyonu sa, ko-rayen si kɛ wola kemini-mɛsɛnu ye.

Yilan-Yilan Koe 24:2

ka Isirɛla mɔgɛnu daga-makɛnɛ yen. Anuna bɔnsɔn faranɛ iko anu siginɛ nya min. Marita Sɛnbɛ donta a sɔndɔmɛ rɔ

Yɔni 7:32

Farisinu ya a lamɔɛn nyama ye da-kɔrɔ-kumɛnu fɔla ka a bɛn Yisa ma, woletɔ anubɛ saraka-masɔlɛnu ya Alla-Bato-Bon kandannɛnu sɔ a bira tinɛ.

1 Kɔrɛnti 14:3

Kɔnɔ min bi Allala kumɛ fɔla, wo ye kumala mɔgɛnu denu ye. Kumɛ wo si mɔgɛnu dɛnbɛ ka anu sɛnbɛ don anubɛ ka anu yisi kimɛ.

1 Samuwɛli 10:10

Sɔli anubɛ ala wɔli-kɛlɛ wo kera Allata kɔnkɛ wo ma tumɛ min Kibiya soe burɔ, nɛbi-kurɔn wonu ya anu taran. Tiriyante wo rɔ, Allata Sɛnbɛ yigira Sɔli kuma. Ale fanan kofura nɛbi wonu ma dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 19:11

Wulɔn suyi rɔ, ale Mansa Sɔli ya keminɛ donu nata Dawudala bon makandan tinɛ alako a wa bɔ sɔgɔma, anu ni a bira ka a faga. Ale Dawudala musi Mikali ya a makawandi, a ko, “Ni i ma i bɔ yan bi suyi kɛ rɔ, sina sɔgɔma, fɔ anu ba i faga.”

1 Samuwɛli 19:14

Mansa Sɔlila mɔgɛ wonu nanɛ Dawuda bira tinɛ, Mikali ya a fɔ wonu ye ko, “Nna kei ma kɛndɛ.”

1 Samuwɛli 19:19

Mansa Sɔli ya a lamɔɛn tumɛ min ko Dawuda ye Samuwɛli fɛ nɛbinuna karan tinɛ Neyɔti Rema soe burɔ,

1 Samuwɛli 19:21

Mansa Sɔli ya wo fanan namɔɛn min kɛ, a ya mɔgɔ-gbɛrɛkɛnu nata tun Dawuda bira tinɛ nyɔ. Wonu fanan ke nyɔ rɔ, anu donta dɔn-kɛ anubɛ wɔlɔyiya-kuma-fɔɛ rɔ. Kilayɛ sawa nyɔgɛnu fanan natanɛ nyɔ rɔ, wonu fanan tara don dɔn-kɛ anubɛ wɔlɔyiya-kuma-fɔɛ rɔ.