1 Samuwɛli 19:10 - ALLALA KUMƐ

¹⁰ Mansa Sɔli ya tanbɛ fili Dawuda ma alako ka a gbangban dandan ma kɔnɔ Dawuda ya a bɔ tanbɛ wo kɔrɔ ka a buri. Tanbɛ wo gbangbannɛ tora dandan ma.

1 Samuwɛli 19:10 Iomraidhean Croise

Yaburi 124:7

Ma kunyɛ bɔra a rɔ iko kona wa a porokɔlɔ gbɛrɛ la nya min. Gbɛrɛ-yili wa tɛgɛ, ma la ara fɛrɛ.

Yaburi 18:17

A ya n natanka n yogenu ma minnu tagbɛlɛ n ko, ado n gbo anu ye kati!

Yaburi 34:19

Mɔgɔ-nyimɛ si tɔrɔya-siyamɛ sɔrɔn kɔnɔ hali wo, Mari si a kisi tɔrɔyɛ wo bɛɛsi ma.

Yaburi 37:32

Karagbɛlɛ si a yɛ sa mɔgɔ-latelennɛ fɛ kɛlɛlɛ! A si wo ma alako a si a bila nanparan rɔ nya min ha anu ni wo faga.

Hɛnkilimaya-Kumɛnu 1:16

bawo ko-yogoma-kɛ di anu ye. Tuma-wo-tuma, anu denu yili ye mɔgɔ-faga-koe le ko.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Hoseya 6:4

Kɔnɔ Mari ko, “N si nfen ma wole, Isirɛla mɔgɛnu na? Wola keninteyɛ ti mɛ bɔla wo burɔ iko duri ti mɛ tɛgɛla nya min sɔgɔma.

Matiyu 10:23

Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

Luka 4:30

Kɔnɔ a tununta nyama ma ka ta a ye.

Yɔni 10:39

Anu ya anu taya a bira-koe ma tun kɔnɔ a tununta anu ma ka ta a ye.

Hiburunu 11:34

Anuna dɛnkɛninyɛ le ya a ma, ta-belebelenu nadufenta, anu natankara faga-koe ma faan la. Anu sɛnbɛ sa nun kɔnɔ anu mara kɛlɛ-kurugbɛnu na. Anu ya sɛnbɛ sɔrɔn kɛlɛ rɔ hali ka nyamanɛ gbɛrɛkɛnuna kɛlɛ-dannu nɔ.

1 Samuwɛli 18:10

Wo wulun sɔgɔma, Alla ya nyinɛ lawuli ale Mansa Sɔli la tun. A donta wɔrɔnde rɔ a nyɛrɛ warɛ bɔn la iko yuwɛ. Wo wati ya a taran, Dawuda ye ala sɔrɔn-fɔɛ la iko a duruta a mala nya min. Wo ya a taran, tanbɛ ye Mansa Sɔli bole tɔ.

1 Samuwɛli 18:11

Mansa Sɔli ya a miri a yisi rɔ ko a si Dawuda gbangban dandan ma ala tanbɛ wo la. A ya tanbɛ lakɛ Dawuda ma iko fila kɔnɔ hali wo, Dawuda ya a bɔ wonu kɔrɔ.

1 Samuwɛli 19:6

Yonatanna kumɛ wo marɛ ya Mansa Sɔli bira. A ya lanyiri kiri ko, “N bara n keli Mari la, n ti Dawuda faga.”

1 Samuwɛli 20:33

Mansa Sɔli ya ala tanbɛ bi ka a lafili Yonatan ma a faga-koe ma kɔnɔ tanbɛ wo foora a la. Yonatan ya a lɔn wo le ma ko Dawuda faga-sɔgɛ ye a fa la.