1 Samuwɛli 18:8 - ALLALA KUMƐ

⁸ Sigi wo dumara Mansa Sɔli la bawo musinu bi Dawuda matɔgɔla ka a fɔ ko ale Sɔli ara mɔgɔ siyaman faga kɔnɔ a ma ke Dawudatɛ rɔ. A ye a mirila fanan ko tumado anu bi nala Dawuda mala le mansɛ la ale kɔma.

1 Samuwɛli 18:8 Iomraidhean Croise

Ko-Dabirɛnu 37:11

A na-kelen-nyɔgɛnu ya a kɔn kɔnɔ a fa ya a hɛnkili to ala kiyo wo ko.

1 Mansɛnu 2:22

Mansa Silamɛni ya a fɔ a na ye ko, “Nfenna i ye Abisagi manyinikala Adonayala ko la? Ni a sɔgɛ ye i la, n ni Abisagi di Adonaya ma, a fisa, i ni mansayɛ fanan manyinika ala ko la kamasɔrɔn n kɔrɔ-kina le ale la. Ile ma a lɔn ko ala fasalɛ le Saraka-Masɔla Abiyatari anubɛ Yohabu la minnu sa nta mansayɛ rɔ?”

Ɛsita 3:5

Heman ban wo lɔnna ko Mɔdekɛyai ti a nyɛnkin a kɔrɔ mumɛ, a yisi bɔra dɔgɔma-ma-de!

Hɛnkilimaya-Kumɛnu 13:10

Wasinteyɛ si na kɛlɛ-nyɔgɔnyɛ le la kɔnɔ min si a tole masɔ kawandili-kan la, hɛnkilimɛ le wo tigi la.

Hɛnkilimaya-Kumɛnu 27:4

Yisi-bɔɛ si ko-yogoma-siyaman ma ka fen-siyaman tinya kɔnɔ kei-keli tenbira wo la.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Yilan-Yilan Koe 11:1

Isirɛla mɔgɛnu wulita da-kɔrɔ-kumɛ la Mari ma anuna tɔrɔyɛla ko la. Mari ya wo lamɔɛn tumɛ min, a fonde bɔra. A diminyara anu ma ha ka tɛ layigi anu kuma ka dagɛ tɔnkɔn kelan mintan gburr!

Yilan-Yilan Koe 22:34

Belam ya a fɔ melika ye ko, “N bara hakɛ kɛ i la. N ma a lɔn nun ko ile le sɔnɛ n yarɔ nun ka n nasɛgi. Ni ile lara a la ko a ma bɛn n ni ta, a fɔ n ye. N ni sɛgi n kɔma kelenna!”

Yemesi 4:5

Allala kitabu wa a fɔ ko, “Allala Ni-Sɛnimɛ min siginɛ ma rɔ, a ye a fɛ, ma ni telen a kelen pe le ye,” wo kana wo miri ko a ara kuma-fuyi le fɔ wo la.

1 Samuwɛli 13:14

Kɔnɔ kaka, ila mansayɛ kɛ ti a laban. Bawo ile ma sɔn Marita tɔnnu birala, Mari si mɔgɛ do nyini min si ale sako kɛ koe bɛɛ rɔ. A si mɔgɛ wo to ile gbɛ rɔ mansayɛ la Isirɛla mɔgɛnu kun na.”

1 Samuwɛli 15:28

Wo manɛ, Samuwɛli ya a fɔ a ye ko, “Mari fanan bara Isirɛla mɔgɛnuna mansayɛ rafara i ma bi wo nya na. A si a di mɔgɛ do ma min tenbira ile la.

1 Samuwɛli 16:13

Samuwɛli ya dantɛgɛ-tuli wo bi ka a kɛ Dawuda kunyɛ rɔ a kɔrɔnu yala. Tiriyante wo rɔ, Marita sɛnbɛ yigira Dawuda kuma. A tora Dawuda fɛ wo nya na le burubukai! Wo kɔma, Samuwɛli sɛgira a kɔma Rema soe burɔ.

1 Samuwɛli 18:9

Ka a bi wo wati ma, Dawudala keliyɛ donta Mansa Sɔli yisi rɔ.

1 Samuwɛli 19:1

Wo kɔma, Mansa Sɔli ya a fɔ ala mɔgɔ-banu anubɛ ala den Yonatan ye ko Dawuda faga-sɔgɛ ye a la. Kɔnɔ Dawuda di Yonatan ye dɔgɔma-ma-de!

1 Samuwɛli 20:31

Ile ma a lɔn, fananta Dawuda ye a kɛndɛ la, ile ti mansayɛ sɔrɔn nyamanɛ kɛ rɔ? Nba, ta a bi. I ni na a la. A ni faga!”