1 Samuwɛli 18:5 - ALLALA KUMƐ

⁵ Mansa Sɔli ya Dawuda sɔ ko-wo-ko la, a si wo ma a kilɛ fɛ. Woletɔ Mansa Sɔli ya kun-tigiyɛ di a ma kɛlɛ-dannu tɛma. Ala kun-tigiya-sɔrɔn wo diyara Mansa Sɔlila kɛlɛ-dannubɛ ala mɔgɔ-banu ye.

1 Samuwɛli 18:5 Iomraidhean Croise

Ko-Dabirɛnu 39:23

Kun-tigi wo ma hɔn fenfen na tun. A ya yelela-koe bɛɛsi to Yusufu bolo kamasɔrɔn a ara a lɔn ko Mari ye Yusufu fɛ. Yusufu ya min bɛɛ kɛ, Mari ya wo lasabati.

2 Samuwɛli 5:10

Mansa Dawuda tora fanka sɔrɔnna ala mansayɛ rɔ bawo Mari Alla Sɛnbɛ-Bɛɛ-Tigi ye a fɛ.

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

2 Ko-Kɔrɔta-Karan 17:3

Mari ya ata duwɛ layigi Yɛhosafati kuma bawo a ya a fa sɔn fɔlɔtɛ bi. A ma Bɛsi Beyali kɔ.

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 101:2

N kɛ-nya si bɛn i ya la. I ye nala n bara muntuma? N bi sɔn-nyimayɛ rɔ nna bɔn la.

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Kɛwɔlɛnu 7:10

Alla ya a kandan ala tɔrɔyɛ bɛɛ rɔ. Yusufu sɔra Iyipiti mansɛ yakɔrɔ tumɛ min, Alla ya kɛ-nya-nyimɛ anubɛ hɛnkili di a ma. Mansɛ ya Yusufu ma kandɛ la ala nyamanɛ anubɛ ala denbayɛ bɛɛ kuma.

Ɛfɛsa 5:17

Wo kana ma kun-takolɔnnu na worɔ. Wo ni wo sɛbɛ don Mari sako-lɔn-koe ma.

Kɔlɔsi 4:5

Wo ni ma hɛnkilimɛnu na dɛnkɛninyabɛlɛnu bara la. Wo ye fɛrɛ min bɛɛ sɔrɔnna, wo kana wo tinya.

Kɛlɛ-Kurugbɛnu 1:19

Mari ya sɛnbɛ di Yuda bɔnsɔn ma. Anu ya kɔnkɔ-nyamanɛ damasi bi anu yogenu bolo kɔnɔ mɔgɛ minnu siginɛ lɛɛ rɔ, anu ma ke wonu gbenna bawo nɛgɛ-kirindinu bi wonu bolo.

1 Samuwɛli 13:2

Mansa Sɔli ya kɛlɛ-den waga sawa (3,000) bi ka bɔ Isirɛla mɔgɛnu tɛma. A ya a mɔgɛ toenu nasɛgi anu barɛnu tɔ. Ale ya kɛlɛ-dannu wo waga fila (2,000) bi. Wonu tora ale fɛ Mikimasi soe burɔ anubɛ kɔnkɔ-nyamanɛ rɔ Bɛtɛli soe dafɛ. A ya a to waga kelen (1,000) bila ala den Yonatan fɛ. Wonu tara Kibiya soe burɔ Bɛnyamɛta nyamanɛ rɔ.

1 Samuwɛli 14:52

Mansa Sɔli siyi-tele-bɛɛ kɔrɔ Filisitinu taranta kɛlɛ-makawanɛ le kɛla tolon! Ni Mansa Sɔli ya mɔgɔ-wo-mɔgɔ taran min kolo gbɛlɛ, ado a kerinte, a si wo ma ala kɛlɛ-dan la.

1 Samuwɛli 18:16

Dawuda wara-koe diyara Isirɛla mɔgɛnu anubɛ Yuda nyamanita-mɔgɛnu ye bawo a ye tola nɔ-ko sɔrɔnna kɛlɛ rɔ.

1 Samuwɛli 18:30

Dawuda anubɛ Filisitinu ya kɛlɛ min bɛɛsi kɛ, Dawuda ya nɔ-ko sɔrɔn Filisitinu ma ka tenbi Mansa Sɔlila kɛlɛ-den-kun-tigi doinu na. Woletɔ Dawuda tɔgɛ bɔra bɛrɛkɛ!

1 Samuwɛli 18:4

Ale ye duruki min donna a kan na, a ya wo di Dawuda ma. Wo kɔma, a ya ala kɛlɛ-kɛ-duruki anubɛ ala kɛlɛ-kɛ-faan anubɛ ala kalabɛn anubɛ ala tɛ-kiri-fan di a ma fanan.

1 Samuwɛli 18:6

Dawuda ban Kolati fagala, kɛlɛ-dannu bi tala soe burɔ, anu kera so-wo-so ma, nyɔ-musinu si bɔ ka Mansa Sɔli labɛn. Anu si dundunnɛnu anubɛ sɔrɔnnu kɛ a rɔ ka anu dɔn. Anu si sigi sa ka a fɔ ko,

1 Samuwɛli 3:19

Samuwɛli tora koloyala. Mari tora a fɛ. Samuwɛli ya koe min bɛɛsi fɔ mɔgɛnu ye, wonu mara tonyɛ la.