1 Samuwɛli 18:17 - ALLALA KUMƐ

¹⁷ Mansa Sɔli ya a fɔ Dawuda ye ko, “Ni i ya i kerinteya ka Marita kɛlɛ kɛ n ye, n si nna dunmusu-sirɛ di i ma min tɔgɛ Mɛrabu.” (Sɔli ya kɛ ma bawo a ma di a ye ale ni Dawuda faga fɔ Filisitinu.)

1 Samuwɛli 18:17 Iomraidhean Croise

2 Samuwɛli 11:15

A ya min sɛbɛ kɛdi wo rɔ, a ko Yohabu ni Yuraya lata kɛlɛ kunaya tinɛ. A ko a wa ban wo mala, anu ni anu bɔ a dafɛ alako a kunyɛ ni to kɛlɛ rɔ. Yuraya tara kɛdi wo don Yohabu bolo.

2 Samuwɛli 12:9

Mari ko nfenna i wara ala kumɛ bɔ a gbɛ rɔ? A ko nfenna i wara ko-yogoma-su kɛ ma? I wara a ma, Amonnu bara Yuraya faga kɛlɛ rɔ. Wo kɔma fanan, i wara ala musi bi!

2 Samuwɛli 6:16

Anu bi anu kun nabɔla soe ma tumɛ min tɔn-kenkirɛ wo la anu bolo, Sɔlila dunmusi Mikali min tora Mansa Dawuda ye, wo ya a yɛ labɔ wundan la. A ya Mansa Dawuda yen nala a dɔnna anubɛ a ye gbangbanna a sɛbɛ-kuna-wɛ la Mari yakɔrɔ, a bɔrɔbɔra a ye.

Yaburi 12:2

Anu bi foninyɛ fɔla anu nyɔgɔn ye. Anu bi anu nyɔgɔn yanfala kuma-teleka-telekɛnu na.

Yaburi 55:21

A ye kuma-teleka-telekɛ min nabɔla a da rɔ, wo di iko fɛnɛ kɔnɔ fenfen sa a sɔn-kole rɔ fɔ gboyanayɛ. Fɔlɔ nun, kumɛ min bi bɔla a da rɔ, wonu manɛ n fɛrɛ ma iko tuli kɔnɔ a ye kumɛ min nabɔla a da rɔ kaka, wo mani de n fɛrɛ ma iko anu ba mɔgɔ tɛgɛ faan la.

Hɛnkilimaya-Kumɛnu 26:24

Wunduyoge si ala wunduyogoyɛ dogon ka a da le yira mɔgɛ la.

Hɛnkilimaya-Kumɛnu 26:25

A ye kumɛ min fɔla a dɛ rɔ, i kana i bila wonu fɛ bawo a burɛ wo lafanɛ ko-yogomɛ-gbansan le la.

Hɛnkilimaya-Kumɛnu 26:26

A si a sɔn-yogomɛ dogon yanfanteyɛ la kɔnɔ tɔ-a-la, mɔgɛ bɛɛ si a lɔn a sɔn-yogomɛ wo fɛ.

Yilan-Yilan Koe 21:14

Wo le ya a ma, Marita Kɛlɛ-Buku kumara kan tinɛ kɛnuna ko la ko, “…Wahabu soe min bi ba-kɔnkɔn la Sufa nyamanɛ rɔ yan anubɛ Anɔn bɛ anubɛ kɔnkɔ-gbɛran min bi yɛlɛla Ari soe magbenna. Kan tinɛ kɛnu bi Mohabu nyamanɛ-dan la.”

Yilan-Yilan Koe 32:20

Musa fanan ya anu yabi ko, “Ni wo sɛbɛ le, wo si wo mabɛn kɛlɛ-kɛ-koe la. Wo ni wo miri ko Mari kolan ye wo la.

Yilan-Yilan Koe 32:27

Ma dama si wuli ka ta kɛlɛ-kɛ-tinɛ Mari fɛ. Ma si Yorodan bɛ tɛgɛ iko i wara a fɔ ma ye nya min.”

Yilan-Yilan Koe 32:29

“Ni Kadi bɔnsɔn anubɛ Rubɛn bɔnsɔn kɛlɛ-dannu ya Yorodan bɛ tɛgɛ Marita tɔn-kenkirɛ yarɔ, wo si a ma, anu ni Kaliyadi nyamanɛ kɛ sɔrɔn. Fɔ anu ni wo dɛnbɛ Kenan nyamanita-mɔgɛnu kɛlɛla ka anu faga.

Tɔn-Fɔɛ-Fila-Nyɔgɛ 17:7

Sereya-bɔlɛ wonu fɔlɔn si a mabon kuri la. Wo kɔma, mɔgɛ bɛɛsi ni to a mabonna kuri la. Wo le si ko-yogoma-sufa kɛ labɔ wo tɛma.

1 Samuwɛli 14:49

Mansa Sɔli ya den-kei sawa sɔrɔn, Yonatan wo, Isifi wo, anubɛ Malikisuwa. A ya dunmusu fila fanan sɔrɔn. A kinamɛ tɔgɛ le Mɛrabu. A dɔgɔmɛ tɔgɛ le Mikali.

1 Samuwɛli 17:25

Anu bi a fɔla anu nyɔgɔn ye nun ko, “Wo ni wo tole masɔ. A ye a kɔgɔ rakala male Isirɛla mɔgɛnu telen tɔ. Mansa Sɔli ara lanyiri kiri ko, ni mɔgɔ-wo-mɔgɔ ya kei kɛ faga, a si wo ma nɔnfulu-tigi la. A ko, min sanɛ wo kuma, a si ala dunmusi di wo tigi ma. A si a ma fanan, wo fala denbayɛ ti duti sara.”

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.

1 Samuwɛli 17:47

Min sanɛ wo kuma, mɔgɛ kɛnu si a lɔn yan tɔ ko Mari mako sa faan anubɛ tanbɛ la ala mɔgɛnuna kisi-koe rɔ. Marita kɛlɛ le kɛ la, ado a si wo damasi don ma bolo.”

1 Samuwɛli 18:21

Mansa Sɔli ya a miri a yisi rɔ ko, “N si ke le Mikali fanan dila Dawuda ma. Wo si ma gbɛrɛ la a ye alako Filisitinu ni a faga.” Mansa Sɔli ya a fɔ Dawuda ye tun ko, “I si ma n biran-kei la gbɛ!”

1 Samuwɛli 18:25

Woletɔ mansɛ ya a fɔ anu ye ko anu ni ta a fɔ Dawuda ye ko, “N bi nyinina min ma ale bolo ka nna dunmusi furu a la, wo le, a ni ta Filisiti mɔgɔ kɛmɛ faga ka anu nakemininya. A ni na wonu sogo-kundinu na n ma. Wo si ma n tayili-sara la Filisitinu bara la.” (Mansɛ ye kɛ dama mala le alako Filisitinu ni Dawuda faga.)

1 Samuwɛli 18:27

Dawuda anubɛ ala kɛlɛ-dannu tara Filisiti mɔgɔ kɛmɛ fila faga ka anu nakemininya. Dawuda nara wonu sogo-kundinu na ale mansɛ ma ka wonu dan mansɛ yala nyɔ alako a ni ma mansɛ biran-kei la. Woletɔ Mansa Sɔli ya ala dunmusi Mikali di Dawuda ma.

1 Samuwɛli 25:28

N tigi, i yandi, ni n bara bila i la, i hakɛ to n ye. Mari si wobɛ i kegeyɛnu ma mansɛ la bawo i ye ata kɛlɛ kɛ le la. Fananta i ye i kɛndɛ la, i ti ko-yogoma ma.

1 Samuwɛli 30:26

Dawudanu ke anu barɛ Sikilagi soe burɔ, anu ya fen-kolomɛ minnu sɔrɔn kɛlɛ rɔ, a ya a diyana-mɔgɛnu kɔ wonu tɔ minnu bi kun-tigiyɛ la Yuda nyamanɛ rɔ. A ya wonu nata minnu ma, a ko, “Ma ya sanbɛ minnu bi Mari yogenu bolo, wo le kɛnu na.”