1 Samuwɛli 18:12 - ALLALA KUMƐ

¹² Mansa Sɔli kɛnɛna kilanna Dawuda la bawo a ya a lɔn ko Marita sɛnbɛ sa ale fɛ tun fɔ Dawuda.

1 Samuwɛli 18:12 Iomraidhean Croise

2 Samuwɛli 5:10

Mansa Dawuda tora fanka sɔrɔnna ala mansayɛ rɔ bawo Mari Alla Sɛnbɛ-Bɛɛ-Tigi ye a fɛ.

2 Ko-Kɔrɔta-Karan 17:3

Mari ya ata duwɛ layigi Yɛhosafati kuma bawo a ya a fa sɔn fɔlɔtɛ bi. A ma Bɛsi Beyali kɔ.

Yaburi 51:11

I kana n gben i fɛ. I kana ita niyi bɔ n tɔ.

Yaburi 53:5

Kɔnɔ karagbɛlɛnu si yɛrɛyɛrɛn kumakɔɛ bolo, hali a ma anu kumakɔ-kunya bɔ bawo Alla si a diyana-mɔgɛnu yogenu tanyɛnsɛn. Alla ara a ban anu na min kɛ, Isirɛla mɔgɛnu si anu nɔ feu!

Hoseya 9:12

ado ni a taranta, den-wo-den sɔrɔnta, n si anu dama wara-koe ka-a-la. Anu do-wo-do ti to a niyi la. N ba n bole bɔ wo rɔ, ko-yogomɛnu si to mala wo la.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Maraka 6:20

Mansa Hɛrodi kilanta Yɔni la bawo a ya Yɔni lɔn mɔgɔ-nyimɛ la, ado a sɛnima. Woletɔ a ya a kandan a kin na! Hɛrodi wa a tole masɔ Yɔni la tuma-wo-tuma, a kɔndɔ si fili kɔnɔ hali wo, a di a ye ka a tole masɔ a la tun!

Luka 8:37

Nyama min bɛɛ bɔra Kadara kɛnuna nyamanɛ rɔ, anu ya a fɔ Yisa ye ko a ni bɔ nyɔ bawo anu dama ara kilan bɛrɛkɛ! Woletɔ Yisa donta kulɔn rɔ ka sɛgi.

Kɛwɔlɛnu 24:25

Kɔnɔ Pɔli wulita kumala ko-nyima-kɛ-koe anubɛ nyɛrɛ-bira-koe anubɛ kiti-tɛgɛ-tele-koe ma min kɛ, Mansa Filikisi kilanta. A ko, “Wo ara a bɔ. Ta fɔlɔn. N ba fɛrɛ sɔrɔn tumɛ min, n si i kele.”

Kɛwɔlɛnu 7:9

“Ma benba wonu ya anu dɔgɔ Yusufu mayira keliyɛla ko la ko a ni ta yɔɔnyɛ rɔ Iyipiti nyamanɛ rɔ. Kɔnɔ Alla ye a fɛ nun.

Kɛlɛ-Kurugbɛnu 1:19

Mari ya sɛnbɛ di Yuda bɔnsɔn ma. Anu ya kɔnkɔ-nyamanɛ damasi bi anu yogenu bolo kɔnɔ mɔgɛ minnu siginɛ lɛɛ rɔ, anu ma ke wonu gbenna bawo nɛgɛ-kirindinu bi wonu bolo.

1 Samuwɛli 16:18

Ala wɔli-kɛlɛ do ya a fɔ ko, “Kei do ye Bɛtalehɛm soe burɔ. A tɔgɛ le Yɛsi. Ala dan do ye nyɔ, wo kusan sɔrɔn fɔla dɔgɔma-ma-de! A kerinte. Kɛlɛ-kurugbɛ le, ado a kusan kumala fanan. A mafɛlɛn di. Mari fanan bi a fɛ.”

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”

1 Samuwɛli 18:15

Mansa Sɔli ya Dawuda yen nɔ-ko sɔrɔnna kɛlɛ rɔ nya min, a kilanta a la dɔgɔma-ma-de!

1 Samuwɛli 18:20

Kɔnɔ Mansa Sɔlila dunmusi do ye nyɔ min tɔgɛ Mikali, Dawuda di wo ye bɛrɛkɛ! Mansa Sɔli ya wo lɔn tumɛ min, wo mara sewa-koe la a bolo.

1 Samuwɛli 18:29

Woletɔ a kilanta Dawuda la ka a dan-natenbi, ado a ya Dawuda ma a yoge la a siyi-tele-bɛɛ kɔrɔ.

1 Samuwɛli 20:13

Kɔnɔ ni ila ko-diya sa a rɔ, ado ko-yogoma ma-sɔgɛ ye a la i wara la, ni n ti i lalɔn alako i ni i buri, alamɛ Mari ya n faga worɔ. Alamɛ Mari tora i fɛ iko a taranta n fa fɛ nya min nun.

1 Samuwɛli 22:13

Mansa Sɔli ya a fɔ a ye ko, “Nfen ya a to, wobɛ Dawuda ye yanfɛ lakirila n ma? I ya a de-nyini, i ya faan don a bolo, i ya Alla manyinika a ye ka a tɛgɛ nfen ma? Ale Dawuda fanan bara wuli n kan ma. A ye a kɔnkɔnna n faga-koe ma.”

1 Samuwɛli 28:15

Samuwɛli ya a fɔ Mansa Sɔli ye ko, “I ya n kele ka n yakɔrɔ-mamɔ nfenna?” Mansa Sɔli ya a fɔ a ye ko, “N bi kɔndɔfili-belebele le tɔ kɛ la kaka. Filisitinu bi ma kɛlɛla, ado Alla fanan bara n boloka. A sa n yabila nɛbinu fɛ anubɛ kiyo rɔ tun. Woletɔ n bara i kele alako i ni hɛnkili di n ma.”

1 Samuwɛli 3:19

Samuwɛli tora koloyala. Mari tora a fɛ. Samuwɛli ya koe min bɛɛsi fɔ mɔgɛnu ye, wonu mara tonyɛ la.