1 Samuwɛli 18:10 - ALLALA KUMƐ

¹⁰ Wo wulun sɔgɔma, Alla ya nyinɛ lawuli ale Mansa Sɔli la tun. A donta wɔrɔnde rɔ a nyɛrɛ warɛ bɔn la iko yuwɛ. Wo wati ya a taran, Dawuda ye ala sɔrɔn-fɔɛ la iko a duruta a mala nya min. Wo ya a taran, tanbɛ ye Mansa Sɔli bole tɔ.

1 Samuwɛli 18:10 Iomraidhean Croise

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

1 Mansɛnu 22:12

Nɛbi-siyamɛ wo dama ya kuma kelan wo le fɔ. Anu ya a fɔ ko, “Ta Ramɔti kɛnu kɛlɛ. Mari si a ma, i ni anu nɔ.”

Yɛrɛmaya 28:11

A ya a fɔ mɔgɛ bɛɛ yala ko Babilɔn Mansa Nɛbukanasala kanma-kɔlɔma min bi anuna ko la, Mari ko a si wo rakerikeri wo nya na le. Ale Hananaya ko Babilɔn Mansa Nɛbukanasa ya kanma-kɔlɔma sa sibole bɛɛ kan ma kɔnɔ a ko Mari ko yanni san fila, a si wo rakeri. Kɛ fɔɛ Hananaya bolo, nde, Yɛrɛmaya bɔra Bato-Bɔn la ka ta n ye.

Kɛwɔlɛnu 16:16

Lunyɛ do, ma ye tala Alla matara tinɛ tumɛ min, mabɛ yɔɔn-sunkurɔn do bɛnta nyina-yoge ye min fɛ. Wo ara ma nya-nyini-kɛlɛ la mɔgɛ do bolo. A ya wodi siyaman sɔrɔnna a tiginu ye nya-nyini-kɛ wo fɛ.

2 Tɛsalonaika 2:11

Wola ko la, Alla si kɔndɔfili-belebele lana alako mɔgɛnu ni la foninyɛ wo la.

1 Samuwɛli 16:23

Ka a dabira wo wati ma gbɛ, Alla wa nyinɛ lawuli Mansa Sɔli la tuma-wo-tuma, Dawuda si ala sɔrɔn fɔ a ye. Nyinɛ wo si bɔ a fɛ. A ma ni fisaya.

1 Samuwɛli 18:9

Ka a bi wo wati ma, Dawudala keliyɛ donta Mansa Sɔli yisi rɔ.

1 Samuwɛli 19:10

Mansa Sɔli ya tanbɛ fili Dawuda ma alako ka a gbangban dandan ma kɔnɔ Dawuda ya a bɔ tanbɛ wo kɔrɔ ka a buri. Tanbɛ wo gbangbannɛ tora dandan ma.

1 Samuwɛli 19:7

Yonatan ya kumɛ wo bɛɛ rakaran Dawuda ye. Wo kɔma, Yonatan nara Dawuda la Mansa Sɔli warɛ. A tora wɔlila mansɛ ye iko a duruta wɔlila a ye nya min nun.

1 Samuwɛli 19:9

Lunyɛ do, Mansa Sɔli siginɛ ala bɔn la, Mari ya nyinɛ lawuli a la tun. Tanbɛ ye a bole tɔ. Dawuda fanan bi sɔrɔn fɔla a ye nyɔ.

1 Samuwɛli 26:19

N tigi, n bi min fɔla i ye, i wɔlɔ matɔlɔ wo la. Ni Mari le wara a ma, i wara nɔrɔ n ma, sarakɛ si a ma, ale Mari yisi ni yɛlɛma n bara-koe rɔ. Kɔnɔ ni mɔgɛnu denu gba ye, alamɛ wonu tiginu ya Marita dankɛ sɔrɔn bawo anu bara n gben Marita nyamanɛ rɔ ka n nata nyamani-gbɛrɛ rɔ alako n ni sibolo-gbɛrɛnuna bɛsɛnu kɔ nyɔ.