1 Samuwɛli 17:58 - ALLALA KUMƐ

⁵⁸ Anu ke Mansa Sɔli ma, a ya Dawuda manyinika, a ko, “N bɔ, yonna den bi ile la?” Dawuda ya a fɔ a ye ko, “Ila mɔgɔ-malɔnnɛ Yɛsi min bi Bɛtalehɛm, wola dan le nde la.”

1 Samuwɛli 17:58 Iomraidhean Croise

2 Samuwɛli 2:32

Yohabu anubɛ ala kɛlɛ-dannu ya Asahɛli furi bi ka ta a togon anuna kebila-kaburu-soe rɔ min bi Bɛtalehɛm kɔma. Wo kɔma, anu denu fanan kira tagamana kudu! Anu tara ke Hiburɔn soe ma sɔgɔma.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 17:12

Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.

1 Samuwɛli 20:6

Ni i fa ya n manyinika, a fɔ a ye ko ile le ya sarati di n ma ko n ni ta n barɛ Bɛtalehɛm soe burɔ ka ta bɛn mala kebila-saraka-bɔɛ rɔ min bi kɛla san-bo-san.