1 Samuwɛli 17:55 - ALLALA KUMƐ

⁵⁵ Dawuda ye tala Kolati kɛlɛ tinɛ tumɛ min nun, Mansa Sɔli ya ala kɛlɛ-den-kun-tigi Abina manyinika ko, “Keminɛ min bi tala kɛlɛ-kɛ-tinɛ kɛ la, yonna den bi wo la?” Abina ya a fɔ a ye ko, “N tigi, nde ma kɛ lɔn.”

1 Samuwɛli 17:55 Iomraidhean Croise

Ko-Dabirɛnu 42:15

N bi wo kɔrɔbɔla ka le. Wo ni la a la serr, wole ti bɔ yan tɔ muk, fɔ wo kelen ba ta wo dɔgɛ wo bi ka na a la. Wo le si to biralɛ rɔ yan tɔ ha n ni ban wo wara-koe fɛsɛfɛsɛla. Ni wo ma na wo dɔgɛ la, tamayi mumɛ sa a rɔ, n bara a lɔn wo rɔ ko wole nara ko lakɔrɔsi tinɛ le.”

1 Samuwɛli 1:26

Hana ya a fɔ Ilayi ye ko, “N fa, i ya n lɔn tun? Nde le taranta Mari madiyala yan i dafɛ nun.

1 Samuwɛli 14:50

Mansa Sɔlila musi tɔgɛ le Ahinowan. Ala musi wo fa tɔgɛ le Ahimahasi. Mansa Sɔli na-kelen-nyɔgɛ Abina, wo mara kɛlɛ-den-kun-tigi la Mansa Sɔli kɔrɔ. Abina fa tɔgɛ le Nɛri.

1 Samuwɛli 16:12

A fa ya mɔgɛ lata a kele tinɛ. A nara min kɛ, anu ya a yen, yaga, kemini-hakikɛ le. A tɔgɛ le Dawuda. Mari ya a fɔ Samuwɛli ye ko, “Nba, ale le kɛ la, yɔ! Dantɛgɛ-tuli kɛ a kunyɛ rɔ. Ale le si na ma mansɛ la.”

1 Samuwɛli 17:54

Dawuda ya Kolati kunyɛ bi ka ta a la Yerusalɛm soe burɔ kɔnɔ a ya Kolatila kɛlɛ-mirannu namara a nyɛrɛta fani-bɔn la.

1 Samuwɛli 17:56

Mansa Sɔli ya a fɔ a ye ko, “A wara-koe fɛsɛfɛsɛ. I ni a lɔn minna den bi a la.”

1 Samuwɛli 17:58

Anu ke Mansa Sɔli ma, a ya Dawuda manyinika, a ko, “N bɔ, yonna den bi ile la?” Dawuda ya a fɔ a ye ko, “Ila mɔgɔ-malɔnnɛ Yɛsi min bi Bɛtalehɛm, wola dan le nde la.”

1 Samuwɛli 26:5

Wonu nara anu dantɛgɛ Dawuda ye tumɛ min, ale nyɛrɛ-nyɛrɛ wulita anubɛ keminɛ donu alako ka a lɔn ni Mansa Sɔli anubɛ ala kɛlɛ-den-kun-tigi ye kan min, yɔ! Mansa Sɔlita kɛlɛ-den-kun-tigi tɔgɛ le Abina. Wo fa tɔgɛ le Nɛri. Anu ya a taran, Mansa Sɔli ye kinɔgɔla ala kɛlɛ-dannu tɛma.