1 Samuwɛli 17:52 - ALLALA KUMƐ

⁵² Isirɛla mɔgɛnu anubɛ Yuda bɔnsɔn-mɔgɛnu gbele-gbelenta. Anu tara anu gbenna ha Kati soe burɔ ha Ɛkirɔn soe tarɛ-don-dɛ la. Filisitinu furi-bolokanɛ ye tala Seyareyim kilɛ wo fɛ ha ka ta ke Kati anubɛ Ɛkirɔn soenu tɔ.

1 Samuwɛli 17:52 Iomraidhean Croise

2 Samuwɛli 23:10

Ale sɔra a gbɛ rɔ gben! A ya Filisitinu matɛgɛ furr, ha a bole kankanta ala faan ma. Mari ya a ma, anu ya nɔ-ko sɔrɔn wulɔn tele rɔ. Kɛlɛ kanɛ a la, Isirɛla mɔgɛnu tara ale Ɛliyasa taran alako anu ni furi wonu bolo-fannu bi.

1 Mansɛnu 20:21

Isirɛla Mansa Ehabu anubɛ ala kɛlɛ-den-toenu bɛnta Siriyanu na anubɛ anuna soee minnu bi kirindinu saganna. Anu ya mɔgɔ-siyaman faga wonu tɔ ka anuna soeenu anubɛ anuna kirindinu kasara.

Yasowa 15:11

Dan wo le tara ha ka ke kɔnkɛ ma min bi Ɛkirɔn soe kantɔ ka ta Sikirɔn soe wara la ka tenbi Beyalila kɔnkɛ la ka ta ke ha Yabaniyɛli soe ma. A danta kɔgɔ-yi la

Kɛlɛ-Kurugbɛnu 7:23

Kidiyɔn ya kilayɛ lata Nafatali anubɛ Asɛra anubɛ Manasa bɔnsɔn filɛnu ma tun ka anu kele ka na anu dɛnbɛ Midiyan kɛnu sagaranna.

1 Samuwɛli 17:53

Anu bɔɛ anu gbere la, anu ya Filisitinu bolo-fannu bi anuna dagɛ rɔ.

1 Samuwɛli 5:10

Wonu fanan ya tɔn-kenkirɛ wo bi nyɔ ka ta a to Filisitinuna soe burɔ Ɛkirɔn. Kenkirɛla ke nyɔ, nyɔ-mɔgɛnu ya sɔnkɛ dabira, anu ko, “Anu bara na Isirɛlata Allata tɔn-kenkirɛ kɛ la yan alako ka ma dama faga.”

1 Samuwɛli 5:8

Anu ya kilayɛnu nata Filisitinuna so-kun lolɛ mansɛnu ma ka wonu kele. Mansɛ wonu nara tumɛ min, Filisitinu ya wonu manyinika, anu ko, “Ma si nfen ma Isirɛlata Allata tɔn-kenkirɛ kɛ la?” Mansɛ wonu ko, “Wo ni a bi yan ka ta a la Kati soe burɔ.” Woletɔ anu tara a la Filisitinuna soe do burɔ min tɔgɛ Kati.