1 Samuwɛli 17:46 - ALLALA KUMƐ

⁴⁶ Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.

1 Samuwɛli 17:46 Iomraidhean Croise

Ko-Dabirɛnu 40:19

Ile ye tele sawa pe le bɔla. Wo kɔma, mansɛ si i kunyɛ tɛgɛ a dagɛ rɔ ka i don kɔlɔma ma. Konanu si i tɛgɛ kon!”

2 Samuwɛli 18:28

Ahimahasi kenɛ tarɛ wo ma, a ya mansɛ rakele ka a kɔndɔn. A ya a laburun a ma mansɛ kɔrɔ. A ko, “N tigi, ita Mari Alla tanto. Bawo mɔgɛ minnu bara murutiya i ma, ita Mari Alla ara a ma, i wara nɔ-ko sɔrɔn wonu ma.”

2 Samuwɛli 21:10

Mansa Sɔli fɛ-sigi-musi Risipa wo ya kasa-kurɛ rasa farɛ kuma furi wonu dafɛ kɔnkɛ kuma nyɔ. Ka a bi dɔn-fen-kun-fɔlɔ-tɛgɛ-wati wo ma ha ka a sigi banda-yi kun-fɔlɛ la, a ye furi wonu kandanna. Tele rɔ, a si konanu gben furi wonu ma. Suyi rɔ fanan, a ni sogenu gben anu ma.

1 Mansɛnu 8:43

i ni ala matarali-kan wo lamɔɛn san-kole rɔ. I ni anu makoe nyinya iko anu bi a fɔla i ye nya min. Woletɔ duninya-mɔgɛ bɛɛ si i tɔgɛ lɔn ka ila kumɛ bira iko Isirɛla mɔgɛnu bi ila kumɛ birala nya min. Anu si a lɔn worɔ ko n bara Bato-Bɔn min sɔ kɛ la, a bɛnta bɛɛ ni i bato nyɔ.

1 Mansɛnu 8:60

Woletɔ duninya-mɔgɛ bɛɛ si a lɔn ko ale Mari le Alla la. Alla-gbɛrɛkɛ sa ale kɔma.

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

2 Mansɛnu 5:15

Anubɛ ala wɔli-kɛ-dan wonu sɛgira Nɛbi Ilaisa wara. Anu ke a ma, a ko, “Ka a bi bi ma, n bara a lɔn ko alla-wo-alla sa nyɔ Isirɛlata Alla kɔma. I yandi n fa, n bara na i sanbɛ minnu na, wonu bira n bolo.”

Yaburi 31:8

I ma sɔn, n yogenu ni n bira kɔnɔ i ya a ma, n nafɛrɛnɛ tara.

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 56:9

Mari ko wole sogo-feremɛnu, wo na sagɛnu tafarafara. Wole firarɔ-sogenu, wo na ala mɔgɛnu dɔn kedeku!

Yɛrɛmaya 19:7

Mari ko a si wole, Yuda mɔgɛnu anubɛ Isirɛla mɔgɛnu miriya bɛɛ tinya kan-tina-kelan kɛ rɔ ka a ma, wo yogenu ni wole, Yuda kɛnu faga tɛrr! A ko a si a ma, wo furinu ni ma konanu anubɛ sogenu de-nyini-fan la.

Yɛrɛmaya 34:20

Wo faga-sɔgɛ ye wo yoge minnu na, a ko a si wo don wonu bolo. Sogenu anubɛ konanu si to wo suyi dɔnna.

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 3:29

Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”

Matiyu 24:28

“Suyi taranta kan min, dogɛnu si anu nadɛn nyɔ le.

Tɔn-Fɔɛ-Fila-Nyɔgɛ 28:26

Wo furinu si ma konanu anubɛ sogenu dɔn-fan la. Mɔgɔ ti taran nyɔ min si wonu gben wo furinu ma.

Tɔn-Fɔɛ-Fila-Nyɔgɛ 7:2

Wota Mari Alla wa mɔgɛ kɛnu don wo bolo tumɛ min ka anu nɔ, wobɛ mɔgɛ wonu kana ko-wo-ko lakiri wo nyɔgɔn tɛma. Wo kana kinikini anu ma fanan, fɔ ka anu damasi faga tɛrr!

Tɔn-Fɔɛ-Fila-Nyɔgɛ 7:23

A si wo yogenu don wo bolo. A si a ma, wo ni wonu faga kumakɔɛ bolo.

Yasowa 10:8

Mari ya a fɔ Yasowa ye ko, “I kana kilan bawo n bara mɔgɛ wonu don wo bolo. Hali mɔgɔ kelen ti sɔ wo yarɔ ka wo nɔ.”

Yasowa 4:24

Mari ya kɛ ma alako mɔgɛ bɛɛsi ni a lɔn ko sɛnbɛ-bɛɛ-tigi le ale Mari la. Woletɔ anu fanan ni to Mari Alla gbiliyala habadan!”

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 17:44

A ya a kɔgɔ raka Dawuda telen tɔ. A ko, “Na tun. N si i suyi di konanu anubɛ sogenu ma kaka!”