1 Samuwɛli 17:4 - ALLALA KUMƐ

⁴ Filisitinuna kɛlɛ-kurugbɛ min bɔra Kati soe burɔ, a tɔgɛ Kolati. Wo nara Isirɛla mɔgɛnu kan ma. A sɔra anu yakɔrɔ ka a kɔgɛ raka anu telen tɔ. Ala yanyɛ, nunkan-nya wɔrɔ.

1 Samuwɛli 17:4 Iomraidhean Croise

1 Ko-Kɔrɔta-Karan 11:23

Lunyɛ do fanan tun, a tara ke Iyipiti kei-belebele-wɛ do ma, tanba-belebele ye wo bolo la. Bɛnaya wola yanyɛ, nunkan-nya wɔrɔ. Bɛnaya ya ala gbelekɛ bi ka kei wo ragbɛrɛn. A ya wola tanbɛ bɔ a bolo ka a faga wo la.

Emɔsi 2:9

“Mari ko hali wo, wo ni la a la ko ale le nara wo la ka bɔ Iyipiti nyamanɛ rɔ. San bi-nani, a sɔnɛ wo yarɔ wulɛ rɔ. Wo ni wo miri wo yogenu ma, Amoranu, kɔni. Anu yan, anu kolo, anu tagbɛlɛ kɔnɔ Mari ya anu halaki wolela ko la. A ya anuta nyamanɛ di wo ma ka a ma wo halalɛ la.

Tɔn-Fɔɛ-Fila-Nyɔgɛ 3:11

(Mansa Ɔku kelen pe le tonɛ a niyi la nun Rɛfɛnnu tɔ. Kɔnɔ tɔ-a-la, anu ya a faga. A ya ala nɛgɛ-sofa min nadan, wola yanyɛ, nunkan-nya kɔnɔntɔ. A kɔnɛ, nunkan-nya nani. Ha kaka, ala nɛgɛ-sofa ye Raba soe burɔ Amonnuna nyamanɛ rɔ.)

Yasowa 11:22

Yasowa ya kɛlɛ kɛ kan min, Anakim bɔnsɔn-mɔgɛ bɛɛ fagara nyɔnu tɔ. Kɔnɔ donu tora Kesa soe burɔ anubɛ Kati soe burɔ anubɛ Asadadi soe burɔ bawo kɛlɛ ma ke wɛ nyɔ.

1 Samuwɛli 17:23

Dawuda anubɛ a kɔrɔnu bi kirabɔla tumɛ min, Kolati kɛ nara ka a kɔgɔ raka anu na iko a duruta a mala anu na nya min nun. Dawuda fanan ya a kuman-kan wo lamɔɛn.

1 Samuwɛli 17:3

Filisitinu bi kɔnkɛ do kuma. Isirɛla mɔgɛnu fanan bi kɔnkɛ do kuma. Lɛɛ ye anu tɛma.

1 Samuwɛli 17:5

Sila-fulɛ le ye a kunyɛ la. Sila-fagbatarɛ min sanɛ a kɔgɔ dɛ ma, wola gbiliyɛ anubɛ yi kalɔn tan anubɛ a talɛ rakɛn de!

1 Samuwɛli 27:4

Mansa Sɔli ya a lamɔɛn tumɛ min ko Dawuda ara a buri ka ta Kati soe burɔ, a ya a fara a nyinɛ la.