1 Samuwɛli 17:39 - ALLALA KUMƐ

³⁹ Dawuda ya Mansa Sɔlila kɛlɛ-kɛ-faan anubɛ a lɛɛ kiri a bu tɛma kɛlɛ-kɛ-mirannu kuma. Dawuda ya a raya ka ta kɔnɔ a ma ke bawo a ma duru wonu bilala. A ya a fɔ Mansa Sɔli ye ko, “Nde ti ke kɛlɛ kɛla kɛnu na bawo n ma duru anu bila.” A ya kɛlɛ-miran wonu bɔ a ma.

1 Samuwɛli 17:39 Iomraidhean Croise

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

1 Samuwɛli 17:38

A ya ala kɛlɛ-mirannu nabɔ a si a makiri minnu na ka Dawuda makiri wonu na. A ya sila-fulɛ don a kunyɛ la. A ya nɛgɛ-fagbatarɛ do bi ka wo kiri a kɔgɛ ma.

1 Samuwɛli 17:40

A ya ala saga-lagbengben-kɔlɔma bi. Wo kɔma, a ya kuru loli bi yi rɔ fanan minnu manunkunɛ ka wonu sa ala bɔrɛ rɔ. A tara lenfiran la a bolo ka Kolati taran.