1 Samuwɛli 17:26 - ALLALA KUMƐ

²⁶ Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”

1 Samuwɛli 17:26 Iomraidhean Croise

2 Mansɛnu 19:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla matara ma ye.”

2 Ko-Kɔrɔta-Karan 32:17

Ale Asiriya mansɛ ya Isirɛlata Mari Alla lafɛya-kumɛ sɛbɛ kɛdi do rɔ. Kɛdi wo ko, “Nyamani-gbɛrɛkɛ-bɛsɛnu ma ke anu kunkala n ma, ado wola mansɛta bɛsɛ fanan ti ke ala mɔgɛnu kisila n ma.”

Nihɛmaya 5:9

Wo kɔma, n ya a fɔ anu ye ko, “Wo ye min kun na, wo ma telen. Wo ni Alla sako kɛ ka ko-telennɛ ma. Wo si a ma, sibolo-gbɛrɛnu ti ma mayɛlɛn-kunya sɔrɔn.

Yaburi 44:13

I ya min ma ma la, ma dan-masa-nyɔgɛnu ya wo yen min kɛ, anu ya ma manyini ka yɛlɛn ma ma.

Yaburi 74:18

Kɔnɔ Mari, i miri, i yogenu bi yɛlɛnna i ma. Alla-lɔnbɛlɛnu denu bi ile Alla rasɛla.

Yaburi 79:12

E, n tigi, sibolo-gbɛrɛ minnu bara i manyini, i tayili sara wonu na iko wɔrɔnfila.

Aiseya 37:23

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Yɛrɛmaya 9:25

A Iyipiti kɛ wo, a Yuda kɛ wo, a Idɔm kɛ wo, a Amon wo, a Mohabu wo, a wularɔ-mɔgɛ minnu bi anu kun-sigi wuruyala wo, Mari ko wati ye nala, a si anu tɔrɔ. Anu bara kemininya nun kɔnɔ sarama-kan min kirinɛ wolela ko la, anu denu sa wo birala. Mɔgɛ kɛnu wo, Isirɛla mɔgɛnu wo, Mari ko a si wo tɔrɔ wo nyɔgɔn fɛ bawo wo do-wo-do sa sarama-kan wo latɔnbagayala.

Isikiyɛli 28:10

Sibolo-gbɛrɛnu si a faga iko wuli. Nde, wo Tigi Mari le wara kɛ latɛgɛ sɔn!”

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Daniyɛli 6:27

Ale le ye ma latankala ka ma kisi fanan. Ale le ye ko-makawanɛnu kɛla san-kole anubɛ dugu-kole ma. Ale le ya Daniyɛli lakanan yarɛnu masibɛ ma.”

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Yowɛli 2:19

Wo kɔma, Mari si a fɔ wo ye ko a si dɔn-fan anubɛ minni-fan anubɛ tuli di wo ma min si na wo wasa. Wo si a ma, sibolo-gbɛrɛ doinu ti wo ma yɛlɛnma-fan la tun.

Tɔn-Fɔɛ-Fila-Nyɔgɛ 5:26

Ha bi, mɔgɛ do ye nyɔ min bara Alla nimɛ kuman-kan lamɔɛn tɛ rɔ, a kɛndɛ ni to iko male?’

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

1 Samuwɛli 11:2

Nehasi ya a fɔ anu ye ko, “N si sɔn kɔnɔ ko kelen bi nyɔ, ni wo sɔnta wo ma, ma ti wo kɛlɛ, wo le, ka wo damasi bolo-nyimama-yɛnu tii. Wo si ma wole Isirɛla mɔgɛnuna miliya-koe la.”

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 17:10

Wo ma n sɔnɛ yen? Ni min si n nɔ wole Isirɛla mɔgɛnu tɛma, wo tigi ni na n taran.”

1 Samuwɛli 17:30

Dawuda ya mɔgɔ-wo-mɔgɔ manyinika Filisitinuna kei wo faga-koe ma, wonu bi a yabila le iko a ya mɔgɔ fɔlɔtɛ minnu manyinika.

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.

1 Samuwɛli 31:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti-kemininyabɛlɛ kɛnu kana na anu diya n faga-koe la ka n mɔnima-fagɛ-kɛ.” Kɔnɔ keminɛ wo kilanta a faga-koe ma. Mansa Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun faan wo sun na.