1 Samuwɛli 17:20 - ALLALA KUMƐ

²⁰ Wo wulun sɔgɔma subaga, Dawuda ya a lasɔ. A ya sagɛ wonu kerifanɛ to mɔgɛ do la. A ya dɔn-fan wo damasi bi iko a fa ya a fɔ a ye nya min. A ke dagɛ wo rɔ, a ya a taran, Isirɛla kɛlɛ-dannu bara bɔ dagɛ wo rɔ ka ta anu sɔ anu gbɛ rɔ anu si kɛlɛ kɛ kan min. Anu bi tala gbele-gbelenna anu bolo fɛ nya-kun-kelen.

1 Samuwɛli 17:20 Iomraidhean Croise

Luka 19:43

ado tele donu si na, wo yogenu si tarɛ mini wo ma ka kilɛ tɛgɛ wo ma kan tinɛ bɛɛ rɔ.

Yasowa 3:1

Wo banda kɛ sɔgɔma subaga, Yasowa anubɛ Isirɛla mɔgɛnu wulita Akasiya dagɛ rɔ. Anu tara Yorodan bɛ dala.

1 Samuwɛli 15:12

Wo wulun sɔgɔma subaga, a tara Mansa Sɔli labɛn tinɛ. A ya a lamɔɛn ko Mansa Sɔli ara ta Kamɛli soe burɔ ka kuri do sigi nyɔ min si a ma, mɔgɛnu yili ti bɔ a ko. Wo kɔma, Mansa Sɔli ya a lamɔɛn tun ko Samuwɛli ara ta Kiligali.

1 Samuwɛli 17:19

Anubɛ Isirɛla kɛlɛ-dan doinu bi Mansa Sɔli fɛ Filisitinu kɛlɛ tinɛ lɛɛ do rɔ min tɔgɛ Ila.”

1 Samuwɛli 17:21

Filisiti kɛlɛ-dannu sɔnɛ kan-tina-kelen. Isirɛla kɛlɛ-dannu fanan sɔnɛ kan-tina-kelen. Anu yɛ lamununnɛ anu nyɔgɔn na.

1 Samuwɛli 17:28

Dawuda ye kumɛ minnu fɔla kɛlɛ-dannu ye, a kɔrɔ Ɛliyabu ya wonu namɔɛn. A diminyara Dawuda ma. A ko, “Ile ye nfen mala yan tɔ? Yon bi ila sagɛnu mafɛlɛnna wulɛ rɔ? Ile kolobɛlɛ kalabante, i ya a lɔn iko i ya koe bɛɛ lɔn. Ile nara kɛlɛ mafɛlɛn tinɛ le dɔrɔn.”

1 Samuwɛli 26:5

Wonu nara anu dantɛgɛ Dawuda ye tumɛ min, ale nyɛrɛ-nyɛrɛ wulita anubɛ keminɛ donu alako ka a lɔn ni Mansa Sɔli anubɛ ala kɛlɛ-den-kun-tigi ye kan min, yɔ! Mansa Sɔlita kɛlɛ-den-kun-tigi tɔgɛ le Abina. Wo fa tɔgɛ le Nɛri. Anu ya a taran, Mansa Sɔli ye kinɔgɔla ala kɛlɛ-dannu tɛma.

1 Samuwɛli 26:7

Wulɔn suyi rɔ, Dawuda anubɛ Abisayi tara Mansa Sɔlila dagɛ rɔ. Anu ya Mansa Sɔli taran kinɔgɔla dagɛ tɛma den! Ala tanbɛ gbangbannɛ dugu rɔ a kunyɛ dafɛ. Abina anubɛ ala kɛlɛ-dannu fanan bi kinɔgɔla Mansa Sɔlila foolɛ rɔ.