1 Samuwɛli 17:12 - ALLALA KUMƐ

¹² Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.

1 Samuwɛli 17:12 Iomraidhean Croise

2 Samuwɛli 23:1

Yɛsila den Mansa Dawuda, Alla ya a ma mɔgɔ-ba-magbilima-wɛ la. Ale Yakobata Alla ya ale Dawuda yabɔ ka a ma mansɛ la. Mansa Dawuda le si sigi-diyamɛnu sa Isirɛla mɔgɛnu ye. Mansa Dawudala wɔlɔyiya-kuma-laban le kɛ la.

Yaburi 132:6

Ma ye Bɛtalehɛm soe tumɛ min, ma ya tɔn-kenkirɛ wara-koe lamɔɛn, ado ma ya a taran Yirɔm soe kɔma firɛ rɔ.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Matiyu 1:6

Yɛsi le ya Mansa Dawuda sɔrɔn. Mansa Dawuda anubɛ Yurayala musi ya Silamɛni sɔrɔn.

Matiyu 2:1

Yisa sɔrɔnta Bɛtalehɛm soe burɔ Yudiya nyamanɛ rɔ wo tumɛ Hɛrodi ye mansayɛ la nyɔ kun na. A ma mɛ wo kɔma, minnu ya lolenu-karan lɔn, wo donu bɔra tele-bɔɛ ka na Yerusalɛm.

Matiyu 2:6

‘Ile Bɛtalehɛm soe, so dɔgɔmanɛ ma i la tun Yuda nyamanɛ rɔ bawo kun-tigi do si bɔ ile rɔ min si kun-tigiyɛ kɛ Isirɛla mɔgɛnu kun na, Marita mɔgɛnu, kɔni.’ ”

Ruti 1:2

a tɔgɛ Ilimilɛki. Ɛfarati kebila-mɔgɛ do le. Kei wonubɛ ala musi anubɛ ala den-kemini filɛ tara anu sigi Mohabu nyamanɛ rɔ kɔnkɔ sa kan min. Ala musi wo tɔgɛ le Neyomi. Anuna den-kemini filɛ wonu tɔgɛ le Malɔn anubɛ Kaliyɔn.

Ruti 4:17

Nyɔ-musinu ya den-kurɛ wo tɔgɔ sa Obɛdi. Anu ya a fɔ soe kan tinɛ bɛɛ rɔ ko, “Neyomi ara a mamanɛ sɔrɔn, den-kei.” A mɛra ha, Obɛdi wo ya Yɛsi sɔrɔn. Yɛsi wo ya Mansa Dawuda sɔrɔn.

1 Samuwɛli 1:1

Ifɛrɛm bɔnsɔn-mɔgɛ do ye nyɔ min tɔgɛ Ɛlakena. A siginɛ Rema soe burɔ Ifɛrɛmta kɔnkɔ-nyamanɛ rɔ. A fa tɔgɛ le Yɛroham. Yɛroham wo fanan fa tɔgɛ le Ɛlihu. Ɛlihu wo fanan fa tɔgɛ Tohu. Tohu wo fanan fa tɔgɛ le Sufu.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 16:18

Ala wɔli-kɛlɛ do ya a fɔ ko, “Kei do ye Bɛtalehɛm soe burɔ. A tɔgɛ le Yɛsi. Ala dan do ye nyɔ, wo kusan sɔrɔn fɔla dɔgɔma-ma-de! A kerinte. Kɛlɛ-kurugbɛ le, ado a kusan kumala fanan. A mafɛlɛn di. Mari fanan bi a fɛ.”

1 Samuwɛli 17:11

Mansa Sɔli anubɛ ala kɛlɛ-dannu ya wo lamɔɛn tumɛ min, anu dama kilanta.

1 Samuwɛli 17:58

Anu ke Mansa Sɔli ma, a ya Dawuda manyinika, a ko, “N bɔ, yonna den bi ile la?” Dawuda ya a fɔ a ye ko, “Ila mɔgɔ-malɔnnɛ Yɛsi min bi Bɛtalehɛm, wola dan le nde la.”