1 Samuwɛli 17:11 - ALLALA KUMƐ

¹¹ Mansa Sɔli anubɛ ala kɛlɛ-dannu ya wo lamɔɛn tumɛ min, anu dama kilanta.

1 Samuwɛli 17:11 Iomraidhean Croise

Yaburi 118:6

N ti kilan bawo Mari ye n fɛ. Mɔgɛnu si ke nfen mala nde la worɔ?

Yaburi 27:1

Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Aiseya 57:11

Mari ko wo ye kilanna bɛsɛ nyamintan na min bi a mala, wo ye foninyɛ fɔla a ye? A ko wo ma wo miri a ma doni bɛrɛn fɔ wo ya wo kan-kɔ-sɔɛ min kɛ a la. A ko a madenɛ ara mɛ min kɛ, woletɔ wo sa kilanna a la tun, ba?

Tɔn-Fɔɛ-Fila-Nyɔgɛ 31:8

Mari nyɛrɛ si taran i fɛ ka sɔ i yarɔ. A ti i baya, ado a ti i boloka. I yisi kana tinya kilan bolo.”

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

1 Samuwɛli 13:7

Donu ya anu buri ka Yorodan bɛ tɛgɛ ka ta Kaliyadi nyamanɛ rɔ anubɛ Kadi bɔnsɔnta nyamanɛ rɔ. Kɔnɔ Mansa Sɔli tora Kiligali. Ala kɛlɛ-dan minnu bi a fɛ, wonu bi yɛrɛyɛrɛnna kilan bolo.

1 Samuwɛli 17:10

Wo ma n sɔnɛ yen? Ni min si n nɔ wole Isirɛla mɔgɛnu tɛma, wo tigi ni na n taran.”

1 Samuwɛli 17:12

Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.

1 Samuwɛli 21:13

Mɔgɔ-ba wonu ba anu gbɛrɛn a ma tumɛ min, a ni a nyɛrɛ ma yuwɛ la. Anu ba a bira tuma-wo-tuma, a ni tarɛ dɛ manyɛgan. A si to a namanama-yi layigila a buyɛ ma bɔlɔlɔ!

1 Samuwɛli 7:7

Filisitinu ya a lamɔɛn tumɛ min ko Isirɛla mɔgɛnu bara anu kundɛn Misipa, Filisitinuna mansa lolɛ wulita anubɛ anuna kɛlɛ-dannu ka ta Isirɛla mɔgɛnu kan ma. Isirɛla mɔgɛnu ya wo lamɔɛn tumɛ min, anu kilanta.