1 Samuwɛli 16:20 - ALLALA KUMƐ

²⁰ Yɛsi ye Dawuda latala Mansa Sɔli ma tumɛ min, a ya Mansa Sɔli sanbɛnu nata, baa-bulun kelen anubɛ sofɛli-dunu kelen biredi la anubɛ nɔnbɔ-gbɔ-yi gbolo-bɔrɔ kelen.

1 Samuwɛli 16:20 Iomraidhean Croise

Ko-Dabirɛnu 43:11

Anu fa Yakoba ya a fɔ anu ye ko, “Ni wo ko wo nya le, wo ni mala nyamanɛ kɛ fen-hakikɛ donu bi ka a ma kandɛ wo sanbɛ la iko se-tuli wo, liyi wo, kɛnɛ wo, isɛnti wo anubɛ kɔn-gbɔ-kole donu.

Hɛnkilimaya-Kumɛnu 18:16

Sanbɛ si kilɛ laka mɔgɛ ye, ado ni mɔgɔ-ba do yen-sɔgɛ ye i la, i ni a sanba fan do la.

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.

1 Samuwɛli 10:4

Anu si i kɔndɔn ka biredi-lɔngbɔn wo fila di i ma. I ni wonu bira. Wo le ye a yirala i la ko Mari le wara i yabɔ ka i ma mansɛ la.

1 Samuwɛli 16:19

Mansa Sɔli ya kilayɛnu nata Yɛsi ma ko a ni ala den Dawuda lana a ma min bi ala sagɛnu kandanna.

1 Samuwɛli 17:18

I ni fɛnɛ kiri tan kɛnu fanan bi ka ta wonu to anuna kɛlɛ-den-kunyɛ ma. Wo kɔma, i ni a lɔn, ni i kɔrɔnu bi nyɔ nya min. I si na anu bolo-fan donu na min si a yira n na ko i ya anu kɛndɛ yen de serr!

1 Samuwɛli 25:18

Abigɛli ya wo lamɔɛn tumɛ min, tiriyante wo rɔ a ya dɔn-fen siyaman bi. A ya biredi-lɔngbɔn kɛmɛ fila bi anubɛ nɔnbɔ-gbɔ-yi gbolo-bɔrɔ fila. Wo kɔma, a ya saga-mintanni loli bi ka buyi pani-kunbɛ-nya tan-ni-wɔrɔnfila sa a kuma. Wo kɔma, a ya nɔnbɔ-gbɔ-gbalanɛ tɔnsɔn kɛmɛ anubɛ toro-gbɔ-gbalanɛ bolo-nya kɛmɛ fila bi ka wonu damasi kiri sofɛlɛnu kɔ tɛma.