1 Samuwɛli 16:14 - ALLALA KUMƐ

¹⁴ Marita sɛnbɛ bɔra Mansa Sɔli fɛ. Mari ya nyinɛ lawuli Mansa Sɔli la, a tɔrɔ-koe la.

1 Samuwɛli 16:14 Iomraidhean Croise

2 Samuwɛli 7:15

Kɔnɔ n ti bɔ a fɛ iko n bɔra Sɔli fɛ nya min. Nde le ya mansayɛ bɔ Sɔli bolo ka a di ale Dawuda ma.

1 Mansɛnu 22:19

Nɛbi Mɛkaya ya a fɔ a ye tun ko, “I tole masɔ Marita kumɛ la. N bara Mari mayiginɛ yen ala waganɛ rɔ Arinyɛni tɔ, ala melikanu kinkinɛ a la.

1 Mansɛnu 22:22

Mari ya wo manyinika, a ko, ‘Ile si ke a yanfala kama?’ Melika wo ya a fɔ Mari ye ko, ‘Nde si ta a ma, Mansa Ehabula nɛbi bɛɛsi ni ma foninya-fɔlɛ la.’ Mari ya a fɔ a ye ko, ‘Awa, nba, ta! I ni yanfɛ sigi a la bawo n bara la a la ko ile si a nɔ le.’ ”

Yaburi 51:11

I kana n gben i fɛ. I kana ita niyi bɔ n tɔ.

Hoseya 9:12

ado ni a taranta, den-wo-den sɔrɔnta, n si anu dama wara-koe ka-a-la. Anu do-wo-do ti to a niyi la. N ba n bole bɔ wo rɔ, ko-yogomɛnu si to mala wo la.

Kɛlɛ-Kurugbɛnu 16:29

Sɛnbɛrɛn-kɔn filɛ minnu sɔnɛ bɔn wo kɔrɔ, Samsin sɔra wonu tɛma ka wonu bira.

Kɛlɛ-Kurugbɛnu 9:23

Wo kɔma, Alla ya gboyanayɛ ladon Sɛkɛm mɔgɛnu anubɛ anuna mansɛ Abimɛlɛki tɛma bawo anu ya a na-kelen-nyɔgɛnu faga. Murutiyɛ wo mara a tayili-sarɛ la Alla bolo.

1 Samuwɛli 11:6

Ale Mansa Sɔli ya kumɛ wo lamɔɛn min kɛ, Allata Sɛnbɛ yigira a kuma. A yisi bɔra dɔgɔma-ma-de!

1 Samuwɛli 16:15

Mansa Sɔlila wɔli-kɛlɛnu ya a fɔ a ye ko, “Ma ya a lɔn ko Alla ara nyinɛ lawuli i la min si i tɔrɔ.

1 Samuwɛli 16:16

A sɔgɛ ye ma la, ma ni sɔrɔn-fɔlɛ do nyini i ye. Woletɔ ni nyinɛ wo wulita i la tuma-wo-tuma, wo si sɔrɔn fɔ i ye. Nyinɛ si i boloka. Min bi ile ma tun ka a fɔ ma ye ko, ‘Wo ta sɔrɔn-fɔlɛ nyini.’ ”

1 Samuwɛli 16:23

Ka a dabira wo wati ma gbɛ, Alla wa nyinɛ lawuli Mansa Sɔli la tuma-wo-tuma, Dawuda si ala sɔrɔn fɔ a ye. Nyinɛ wo si bɔ a fɛ. A ma ni fisaya.

1 Samuwɛli 18:10

Wo wulun sɔgɔma, Alla ya nyinɛ lawuli ale Mansa Sɔli la tun. A donta wɔrɔnde rɔ a nyɛrɛ warɛ bɔn la iko yuwɛ. Wo wati ya a taran, Dawuda ye ala sɔrɔn-fɔɛ la iko a duruta a mala nya min. Wo ya a taran, tanbɛ ye Mansa Sɔli bole tɔ.

1 Samuwɛli 18:12

Mansa Sɔli kɛnɛna kilanna Dawuda la bawo a ya a lɔn ko Marita sɛnbɛ sa ale fɛ tun fɔ Dawuda.

1 Samuwɛli 28:15

Samuwɛli ya a fɔ Mansa Sɔli ye ko, “I ya n kele ka n yakɔrɔ-mamɔ nfenna?” Mansa Sɔli ya a fɔ a ye ko, “N bi kɔndɔfili-belebele le tɔ kɛ la kaka. Filisitinu bi ma kɛlɛla, ado Alla fanan bara n boloka. A sa n yabila nɛbinu fɛ anubɛ kiyo rɔ tun. Woletɔ n bara i kele alako i ni hɛnkili di n ma.”