1 Samuwɛli 15:9 - ALLALA KUMƐ

⁹ Mansɛ wo kɛndɛ tora Mansa Sɔli anubɛ ala kɛlɛ-dannu bolo. Amalɛkinuna saga-hakikɛnu anubɛ anuna ninki-hakikɛnu fanan kɛndɛ tora. Anu bolo-fan minnu kin, anu ya wonu namara anu nyɛrɛ ye. Anu bolo-fan minnu ma kin dɔrɔnfan, anu ya wonu kasara.

1 Samuwɛli 15:9 Iomraidhean Croise

2 Samuwɛli 6:13

Tɔn-kenkirɛla dununɛnu ya anu kin-fa-nya wɔrɛ bi min kɛ, Mansa Dawuda ya anu nasɔ. A ya ninki-den-tɔlɔni kelen bi ka wo sa tura kelen kuma sarakayɛ la Mari ye.

1 Mansɛnu 20:34

Mansa Bɛnhedadi ya a fɔ Mansa Ehabu ye ko, “N fa ya soe minnu bi i fa bolo, n si wonu nasɛgi i ma tun. I ni fen mayira tinɛ labɔ nde halala-soe Damasika burɔ iko n fa ya fen mayira tinɛ labɔ i fata soe Samariya burɔ nya min.” Wo le ya a ma, Mansa Ehabu ya a fɔ a ye ko, “Ka a tɛgɛ i kuman-kan kɛ ma, n si i boloka.” A ya a boloka bawo anu bara lanyiri kiri anu nyɔgɔn tɛma.

Matiyu 26:9

Sɛnti kɛ ma si yira wodi-ba la nun ka wodi wo di bolo-kolɔnnu ma!”

Yasowa 7:21

N ya Babilɔn duruku-kinyanɛ do yen Yɛrikɔ soe burɔ anubɛ wodi-gbɛ anubɛ sɛnɛ-gbu kelen. Wonu sɔgɛ ya n bira, woletɔ n ya anu bi. I si anu taran nna fani-bɔn la, a sanɛ dugu kɔrɔ. Duruki anubɛ sɛnɛ, wo sanɛ wodi-gbɛ kuma.”

1 Samuwɛli 15:10

Wati tenbinɛ, Mari ya a fɔ Samuwɛli ye ko,

1 Samuwɛli 15:15

Mansa Sɔli ya a fɔ a ye ko, “Nna kɛlɛ-dannu denu ya anu bi Amalɛkinu bolo. Anu ya ninki-hakikɛnu anubɛ saga-hakikɛnu namara ka anu ma ila Mari Allata sarakɛnu na. Kɔnɔ ma ya a toe bɛɛsi kasara tɛrr!”

1 Samuwɛli 15:19

Nfenna i ma Marita kumɛ wo bira? Nfenna wo ya wo buri tala fen-kolomɛ wonu birala ka Mari fonde magboya?”

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”

1 Samuwɛli 28:18

Ile ara Marita kumɛnu tinya bawo i ma sɔn Amalɛkinu anubɛ anu bolo-fannu nato-koe ma a rɔ. Woletɔ Mari ye nala kɛ mala i la gbɛ!