1 Samuwɛli 15:31 - ALLALA KUMƐ

³¹ Woletɔ Samuwɛli bilara Mansa Sɔli fɛ ka ta Kiligali. Mansa Sɔli ya Mari bato nyɔ.

1 Samuwɛli 15:31 Iomraidhean Croise

2 Samuwɛli 12:20

Mansa Dawuda ya a lasɔ dugi ma. A tara a ku ka a kunyɛ rabɔ. A ya a mayɛlɛma. Wo kɔma, a tara Mari bato tinɛ. A bɔɛ nyɔ, a nara bɔn la. A ya dɔn-fan makele. Anu nara wo la tumɛ min, a ya a dɔn.

1 Samuwɛli 15:26

Samuwɛli ya a fɔ ko, “N ti bila i fɛ nyɔ. Ile ara i ban Marita kumɛ birala. Ale fanan bara a ban ita mansayɛ ma Isirɛla mɔgɛnu kuma!”

1 Samuwɛli 15:30

Mansa Sɔli ya Samuwɛli madiya, a ko, “Hali n bara hakɛ kɛ kɔnɔ gbiliyɛ di n ma nta mɔgɔ-banu anubɛ Isirɛla mɔgɛnu yala. A ma, ma bɛɛ ni ta ma nyɔgɔn fɛ alako n ni ta ita Mari Alla bato.”

1 Samuwɛli 15:32

Anu ke nyɔ, Samuwɛli ya a fɔ anu ye ko, “Wo ta Amalɛkinuna Mansa Ekaki bi, wo ni na a la n bara.” Mansa Ekaki yili-latɛgɛnɛ nara bawo a ya a lɔn ko a ara saya-masibɛ to a kɔma.