1 Samuwɛli 15:30 - ALLALA KUMƐ

³⁰ Mansa Sɔli ya Samuwɛli madiya, a ko, “Hali n bara hakɛ kɛ kɔnɔ gbiliyɛ di n ma nta mɔgɔ-banu anubɛ Isirɛla mɔgɛnu yala. A ma, ma bɛɛ ni ta ma nyɔgɔn fɛ alako n ni ta ita Mari Alla bato.”

1 Samuwɛli 15:30 Iomraidhean Croise

2 Samuwɛli 12:13

Mansa Dawuda ya a sɔn a hakɛ la, a ko, “N bara bila Mari la.” Nɛbi Netan ya a fɔ a ye ko, “Mari ara i makoto, i ti faga.

Bɔ-Koe-Iyipiti 9:27

Ale mansɛ ya mɔgɛ do sɔ Musa anubɛ Aruna kele tinɛ. Ale mansɛ ya a fɔ anu ye ko, “N bara bila wota Mari la wati kɛ rɔ. Yoe ye wota Mari bolo. Malebɛ nta mɔgɛnu yiliki.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Habakuku 2:4

Kilayɛ wo le kɛ la. ‘Karagbɛlɛ wonu ti to anu niyi la kɔnɔ mɔgɔ-latelennɛnu si to anu niyi la bawo anu telennɛ nde, Alla sako-kɛ-tinɛ.’ ”

Yɔni 12:43

Mɔgɔta matɔgɔlɛ di anu ye Allata matɔgɔlɛ ko.

Yɔni 5:44

A di wo ye wo ni matɔgɔlɛ sɔrɔn wo nyɔgɔn bolo kɔnɔ wo sa wo rayala ka matɔgɔlɛ sɔrɔn Alla kelen pe bolo. Wo si ke lala nde la kama worɔ?

2 Timoti 3:5

Anu si a ma iko anu bi Alla batola kɔnɔ anu ma la ata sɛnbɛ la mumɛ! I ni fara mɔgɔ-sufa wonu na feu!

1 Samuwɛli 15:31

Woletɔ Samuwɛli bilara Mansa Sɔli fɛ ka ta Kiligali. Mansa Sɔli ya Mari bato nyɔ.

1 Samuwɛli 26:21

Mansa Sɔli ya a fɔ a ye tun ko, “Nde le wara hakɛ kɛ i la. Nna den Dawuda, na n bara. Nba, i wara n niyi latanka bi suyi rɔ, n ti ko-wo-ko ma i la tun. N bara yuwayɛ le ladan i la wo la. N bara sama dɔgɔma-ma-de!”