1 Samuwɛli 15:3 - ALLALA KUMƐ

³ A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”

1 Samuwɛli 15:3 Iomraidhean Croise

2 Samuwɛli 1:8

A ya n sibole manyinika. N ya a fɔ a ye ko Amalɛki le nde la.

Bɔ-Koe-Iyipiti 17:14

Mari ya a fɔ Musa ye ko, “I ni kɛ sɛbɛ buku do rɔ alako a ni to mɔgɛnu burɔ. A fɔ Yasowa ye ko nde, Mari si Amalɛki mɔgɛnu ban fegba!”

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Yilan-Yilan Koe 24:20

Mari ya ko-rayirɛ kɛ Nɛbi Belam ye Amalɛki mɔgɛnuna ko la. A ya wɔlɔyiya-kumɛ doni fɔ anuna ko la. “Fanka-tigi le Amalɛki mɔgɛnu na ka tenbi mɔgɛ kɛnu na kɔnɔ hali wo, ala ban anu si kasara pɔ!”

Yilan-Yilan Koe 31:17

Wo le ya a ma, Mari ya ata mɔgɛ donu faga wo wati rɔ. Wo ni Midiyan den-kei bɛɛsi faga anubɛ a musi minnu bara kei-koe lɔn.

Yasowa 10:39

ka soe wo mansɛ anubɛ a dafɛ-so-mɔgɛnu bira ka anu faga. Yasowa ya a ma Diba mɔgɛnu anubɛ anuna mansɛ la iko a ya a ma Hiburɔn anubɛ Libina mɔgɛnu anubɛ anuna mansɛnu na nya min.

1 Samuwɛli 14:48

Kɛlɛ-kurugba-bɛrɛbɛrɛ le ale Mansa Sɔli la. Hali Amalɛkinu, a ya wonu nɔ. A ya Isirɛla mɔgɛnu kunka anu yogo-siyaman bolo.

1 Samuwɛli 15:18

ado a ya a fɔ i ye ko i ni Amalɛki karagbɛlɛnu kasara. A ya a fɔ i ye ko i ni anu kɛlɛ furr, ha i ni anu nato dogbe!

1 Samuwɛli 15:9

Mansɛ wo kɛndɛ tora Mansa Sɔli anubɛ ala kɛlɛ-dannu bolo. Amalɛkinuna saga-hakikɛnu anubɛ anuna ninki-hakikɛnu fanan kɛndɛ tora. Anu bolo-fan minnu kin, anu ya wonu namara anu nyɛrɛ ye. Anu bolo-fan minnu ma kin dɔrɔnfan, anu ya wonu kasara.

1 Samuwɛli 22:19

Wo kɔma, Mansa Sɔli ya a ma, Dowɛgi tara Nobi kɛnu faga, saraka-masɔlɛnuna soe, kɔni. Kei wo, musu wo, denni wo, kolo-fen wo, a ya anu damasi faga tɛrr!

1 Samuwɛli 27:9

Anu ba bui soe min ma, anu si keinu anubɛ musinu faga ka anuna kolo-fannu anubɛ anuna fɛrɛya-bɔɛnu bi. A wa bɔ kɛlɛ rɔ tuma-wo-tuma,

1 Samuwɛli 30:17

Anu wulita anu kɛlɛla ha wo wulɔn-sɔgɔma-wurɛ la. Amalɛki wonuna kɛlɛ-dannu kunyɛ ma bɔ a rɔ fɔ kemini mɔgɔ kɛmɛ nani (400) minnu sigira nyomɛnu na, wonu denu dɔrɔn kunyɛ bɔra a rɔ.