1 Samuwɛli 15:29 - ALLALA KUMƐ

²⁹ Isirɛlata Alla-makawanɛ, wo ti foninyɛ fɔ hali ka a miriyanu yɛlɛma bawo mɔgɔ ma ale la iko a ye nala a miriyanu yɛlɛmana.”

1 Samuwɛli 15:29 Iomraidhean Croise

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

Yaburi 29:11

Mari si sɛnbɛ di ata mɔgɛnu ma. A si ata duwɛ layigi anu kuma. Anu ni yisi-kimɛ sɔrɔn.

Yaburi 68:35

Isirɛlata Alla tenbi bɔla ala kan-tina-sɛnimɛ rɔ, a makilannɛ. A si sɛnbɛ di ala mɔgɛnu ma. Alla tanto!

Yaburi 95:11

A ko a fonde ara bɔ ha a ya a keli. A ko anu ti don lanyiri-nyamanɛ rɔ a ara anu yili-madiya minna ko la nun.

Aiseya 45:24

Minnu ba na, wonu si a fɔ ko nɔlɛ anubɛ sɛnbɛ ye ale Mari kelen pe le bolo. A ko ale Mari wa gboya minnu ye, wonu si tɔrɔ yarabiyi bolo.

Isikiyɛli 24:14

Nde, wo Tigi Mari le wara kɛ fɔ. Nta diminya-lakɛ-wati ara ke a ma. N ti kinikini a ma tun fɔ ka ala so-burɔ-mɔgɛnu bira iko hakɛ-kɛlɛnu. A fɛrɛ sa fɔ a wa tɔrɔ le serr! Nde, a Tigi Mari kan le kɛ la.”

Yowɛli 3:16

Mari kulu-mayɛlɛnɛ si bɔ Yerusalɛm kɔnkɔ-sɛnimɛ kuma. Dugi anubɛ san-kole si yɛrɛyɛrɛn. Kɔnɔ hali wo, a si ala mɔgɛnu kumafunfan.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

2 Kɔrɛnti 12:9

kɔnɔ a ya n yabi ka le. A ko n mako sa fen-gbɛrɛ la ata hinɛ kɔma. A ko ni sɛnbɛ sa n bolo, ata sɛnbɛ si koloya n tɔ worɔ. Nba, n sewanɛ bɛrɛkɛ worɔ ka wasi nta sɛnbɛbɔninya-koenuna ko la. N ni a lɔn ko Kirasitita sɛnbɛ ye n matankala.

Tɔn-Fɔɛ-Fila-Nyɔgɛ 33:27

Alla le wo dɛnbɛnɛ la kɛlɛ rɔ. Wo ye wo gbɔnkunna a rɔ. A ye wo kɔrɔbila. Wo tenbi tala, a ye wo yogenu gbenna wo yarɔ alako wo ni anu faga.

Filipai 4:13

Sɛnbɛ ye n bolo ka koe bɛɛ kɛ Kirasiti le baraka rɔ.

2 Timoti 2:13

Kɔnɔ hali ni male ma lanayɛ kɛ, ale si lanayɛ kɛ tolon bawo a ti foninyɛ fɔ a nyɛrɛ ye.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!