1 Samuwɛli 15:24 - ALLALA KUMƐ

²⁴ Wo kɔma, Mansa Sɔli ya a fɔ Samuwɛli ye ko, “Tonyɛ le wo la. N bara hakɛ kɛ. N bara hakɛ kɛ bawo n bara Marita kumɛnu tinya anubɛ itɛ. N kilanta nna kɛlɛ-dannu na woletɔ n ya a ma iko a di anu ye nya min.

1 Samuwɛli 15:24 Iomraidhean Croise

Ko-Dabirɛnu 3:12

Kei wo ko, “I ya musi min di n ma, wo le ya kɔlɔma-gbɔɛ wo di n ma. N ya a dɔn.”

Ko-Dabirɛnu 3:17

Alla ya a fɔ kei fanan ye ko, “N ya a fɔ i ye ko i kana kɔlɔma-gbɔɛ wo dɔn kɔnɔ i wara ila musita kumɛ bira min kɛ ka a dɔn, woletɔ n si tɔrɔyɛ layigi dugi ma ilela ko la. I si i beli-fan sɔrɔn tɔrɔyɛ rɔ i siyi-tele-bɛɛ rɔ.

2 Samuwɛli 12:13

Mansa Dawuda ya a sɔn a hakɛ la, a ko, “N bara bila Mari la.” Nɛbi Netan ya a fɔ a ye ko, “Mari ara i makoto, i ti faga.

Yobu 31:34

Mɔgɛnu bi min fɔla n bara-koe rɔ, wo ti n kilan ka n tade hali ka a ma, n siginɛ ni to nna bɔn la.

Yaburi 51:4

N bara hakɛ min kɛ, n bara bila ile Alla le fɔlɔfɔlɔn na. N bara karagbɛlɛya-siyaman kɛ i yala. Woletɔ n tɔrɛ i bolo, wo bɛnta, ado n yilikiyi i bolo, wo telenta le, yɔ!

Bɔ-Koe-Iyipiti 10:16

Ale mansɛ ya Musa anubɛ Aruna kele tiriya! A ko, “N bara bila wole la hali wota Mari Alla.

Bɔ-Koe-Iyipiti 23:2

“Wo kana bila sɛrɛ fɛ ko-yogoma-kɛ-tinɛ. Mɔgɛ kana a radu sereya bɔ tinɛ ka sɔ nyama fɛ kumɛ rɔ.

Bɔ-Koe-Iyipiti 9:27

Ale mansɛ ya mɔgɛ do sɔ Musa anubɛ Aruna kele tinɛ. Ale mansɛ ya a fɔ anu ye ko, “N bara bila wota Mari la wati kɛ rɔ. Yoe ye wota Mari bolo. Malebɛ nta mɔgɛnu yiliki.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Yɛrɛmaya 38:5

Mansa Sɛdɛkaya ya a fɔ anu ye ko, “Nba, ni min di wole ye, wo ni wo ma a la. Nde ti ke tɔn sigila wo ma.”

Yilan-Yilan Koe 22:34

Belam ya a fɔ melika ye ko, “N bara hakɛ kɛ i la. N ma a lɔn nun ko ile le sɔnɛ n yarɔ nun ka n nasɛgi. Ni ile lara a la ko a ma bɛn n ni ta, a fɔ n ye. N ni sɛgi n kɔma kelenna!”

Matiyu 27:4

A ko, “N bara hakɛ kɛ ka mɔgɔ-magbalanɛ ladon wo bolo tɔ, ado a ye nala fagala!” Anu ya a fɔ a ye ko, “Malela ko sa wo rɔ. Ila koe le wo la!”

Kalesiya 1:10

N sa n tayala ka mɔgɛ hɛnɛ koe kɛnu tɔ! N bi a fɛ ka Alla kelen pe le hɛnɛ. Wo miri ko n bi n tayala ka diya mɔgɛnu ye, wa? Ni n bi n tayala ka diya mɔgɛnu ye, n ti ma Kirasitila wɔli-kɛlɛ la nun mumɛ!

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

1 Samuwɛli 15:15

Mansa Sɔli ya a fɔ a ye ko, “Nna kɛlɛ-dannu denu ya anu bi Amalɛkinu bolo. Anu ya ninki-hakikɛnu anubɛ saga-hakikɛnu namara ka anu ma ila Mari Allata sarakɛnu na. Kɔnɔ ma ya a toe bɛɛsi kasara tɛrr!”

1 Samuwɛli 15:30

Mansa Sɔli ya Samuwɛli madiya, a ko, “Hali n bara hakɛ kɛ kɔnɔ gbiliyɛ di n ma nta mɔgɔ-banu anubɛ Isirɛla mɔgɛnu yala. A ma, ma bɛɛ ni ta ma nyɔgɔn fɛ alako n ni ta ita Mari Alla bato.”

1 Samuwɛli 15:9

Mansɛ wo kɛndɛ tora Mansa Sɔli anubɛ ala kɛlɛ-dannu bolo. Amalɛkinuna saga-hakikɛnu anubɛ anuna ninki-hakikɛnu fanan kɛndɛ tora. Anu bolo-fan minnu kin, anu ya wonu namara anu nyɛrɛ ye. Anu bolo-fan minnu ma kin dɔrɔnfan, anu ya wonu kasara.

1 Samuwɛli 2:29

Mari ko ale ye ata sarakɛ minnu makelela ata mɔgɛnu bolo, nfenna wo ye a lafɛyala wonu bɔ tinɛ worɔ? A ko ile Ilayi, i wara sɔn ila dannu bara ata saraka tɔnɔma tinɛnu dɔn ata mɔgɛnu bi nala minnu na a ye ha anu bara kunbaya. A ko nfenna i ye ila dannu gbiliyala ka tenbi ale la?

1 Samuwɛli 26:21

Mansa Sɔli ya a fɔ a ye tun ko, “Nde le wara hakɛ kɛ i la. Nna den Dawuda, na n bara. Nba, i wara n niyi latanka bi suyi rɔ, n ti ko-wo-ko ma i la tun. N bara yuwayɛ le ladan i la wo la. N bara sama dɔgɔma-ma-de!”