1 Samuwɛli 15:23 - ALLALA KUMƐ

²³ Ka murutiya Mari ma, wo yogo a yala iko suwagayɛ. Wasinteyɛ yogo a yala iko bɛsi-kɔ-koe. Bawo i wara i ban Marita kumɛ birala woletɔ ale fanan bara a ban ile fananta mansayɛ ma.”

1 Samuwɛli 15:23 Iomraidhean Croise

Ko-Dabirɛnu 31:34

A ya a taran, Resɛli ara bɛsɛ wonu dogon nyomɛ kirika-bɔrɛnu tɔ. A siginɛ wonu kuma. Leban ya fan bɛɛsi rafɛlɛn bɔn la nyɔ kɔnɔ a ma ala bɛsɛnu yen mumɛ!

2 Samuwɛli 12:9

Mari ko nfenna i wara ala kumɛ bɔ a gbɛ rɔ? A ko nfenna i wara ko-yogoma-su kɛ ma? I wara a ma, Amonnu bara Yuraya faga kɛlɛ rɔ. Wo kɔma fanan, i wara ala musi bi!

2 Samuwɛli 7:15

Kɔnɔ n ti bɔ a fɛ iko n bɔra Sɔli fɛ nya min. Nde le ya mansayɛ bɔ Sɔli bolo ka a di ale Dawuda ma.

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yobu 34:37

A ara hakɛ min bɛɛsi kɛ tɛrr, a ara murutiyɛ kofu wonu ma. A ye Alla manyinina ma dama yala.

Yaburi 107:11

bawo anu murutiyara. Anu ma sɔn Alla Sɛnbɛ-Bɛɛ-Tigita kumɛnu birala. Anu ya anu ban ata kawandili la.

Bɔ-Koe-Iyipiti 22:18

“Wo kana sɔn, suwagɛ ni to a niyi la.

Aiseya 19:3

Koe min bɛɛ rabɛnnɛ Iyipiti kɛnu bolo, a si wonu tinya anu ma pɔ! A si kumakɔɛ ladon anu tɛma. Anu si anuna bɛsɛnu madiya alako wonu ni anu dɛnbɛ. Anu si ta bolo-tafɛlɛnna-su bɛɛ wara alako wonu ni hɛnkili di anu ma.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Yɛrɛmaya 16:12

A ko kɔnɔ woleta karagbɛlɛyɛ ara tenbi wo benbanutɛ la. Wo tole gbereta dɔgɔma-ma-de! Min di wo ye, wo ye wo le mala. A ko wo sa a sako kɛla mumɛ!

Yɛrɛmaya 28:16

Woletɔ Mari ko a ti mɛ tun, a si i firan duninya ma. A ko bawo i wara a ma, mɔgɛnu bara anu kan-kɔ sɔ Mari la min kɛ, i si faga nyina san kɛ la.”

Yɛrɛmaya 29:32

Bawo Sɛmaya ara wo ma, Mari ko a ti mɛ Sɛmaya tɔrɔla tun. A ko Mari ye wɔli-nyimɛ min kɛla ata mɔgɛnu ye, ale Sɛmaya ti bɛn wonu tɔ. Hali ala kebila-mɔgɔ den kelen ti taran Isirɛla mɔgɛnu tɛma tun bawo a ya mɔgɛnu nabila murutiyɛ ma Mari kan ma. Mari nyɛrɛ kan le kɛ la.

Hoseya 13:11

Hali n kɔrɔtɔnɛ, n sɔnta wola mansaya-koe ma. Wo kɔma, n ya mansaya-koe bɔ wo tɛma fanan nta kɔrɔtɔ kelan wo la.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Saraka-Masɔlɛnuta Tɔnnu 20:27

Kei wo, musi wo, ni min ya a nyɛrɛ don yi-kɔrɔ-fɛlɛn-koe rɔ, Mari ko wo ni wo tigi mabon kuri la. Wo tigi tɔgɛ si to a nyɛrɛ la.

Saraka-Masɔlɛnuta Tɔnnu 20:6

“Mari ko wo kana ta ke yi-kɔrɔ-fɛlɛnnɛnu ma ka hɛnkili sɔrɔn anu bolo. A ko ni min ya wo ma, a si a kan-kɔ sɔ wo tigi la. Mari ti a miri ko atɛ le wo mɔgɔ sufa la tun.

Yilan-Yilan Koe 14:9

Wo kana murutiya Mari ma. Wo kana kilan nyɔ-mɔgɛnu na. Ma si mɔgɛ wonu nɔ le yɛlefɛ! Mari ye ma fɛ. Anu lanɛ anuna bɛsɛ minnu na ko wonu si anu kandan. Fanka ye mata Mari la ka tenbi wonu na. Wo kana kilan hali doni bɛrɛni!”

Kɛwɔlɛnu 13:22

Wota wati tenbinɛ, Alla ya Dawuda ma anuna mansɛ la. Alla ya kɛ le fɔ Mansa Dawudala ko la, a ko, ‘N bara a yen ko Yɛsila dan Dawuda le si n hɛnɛ kati! Wo le si n diyana-koe bɛɛ kɛ.’

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Kalesiya 5:20

bɛsi-kɔɛ wo, anubɛ suwagayɛ. Gboyanayɛ anubɛ nyɔgɔn-kɛlɛ ti ban anu tɛma. Anu bi anu nyɔgɔn makeliyala ka diminya anu nyɔgɔn ma ka anu miri anu nyɛrɛ dɔrɔn ma. Hali anu kurɔn ladɛnnɛ, anu ta si nyɛnsɛn kɛlɛ-tɛgɛ-koe la.

Tɔn-Fɔɛ-Fila-Nyɔgɛ 9:24

Ka a dabira wo wati ma n bolo ha ka a sigi kaka la, wo ye murutiyɛ le kun na tun.

Tɔn-Fɔɛ-Fila-Nyɔgɛ 9:7

“Wo kana nyina min ya a to, wota Mari Alla fonde bɔra wole Isirɛla mɔgɛnu kan ma Sinayi kɔnkɛ kɔrɔ. Kebi wo bɔra Iyipiti nyamanɛ rɔ tele min ma ha ka a sigi wo ke wati ma yan, wo murutiyanɛ Mari ma tolon!

Yasowa 22:15

Anu kera Kaliyadi nyamanɛ rɔ Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ warɛ tumɛ min, anu ya a fɔ anu ye ko, “Nfenna wo ara kɛ nyɔgɔn ko-yogomɛ ma ma benba Isirɛlata Alla la ka saraka-mintan-tinɛ ladan wo nyɛrɛ ma? Wo ye bilala Mari fɛ tun, ba?

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.

1 Samuwɛli 13:14

Kɔnɔ kaka, ila mansayɛ kɛ ti a laban. Bawo ile ma sɔn Marita tɔnnu birala, Mari si mɔgɛ do nyini min si ale sako kɛ koe bɛɛ rɔ. A si mɔgɛ wo to ile gbɛ rɔ mansayɛ la Isirɛla mɔgɛnu kun na.”

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.

1 Samuwɛli 28:3

Samuwɛli fagara tumɛ min nun, Isirɛla mɔgɛ bɛɛsi dira ala ko la le, ado anu ya a togon a halala soe Rema le burɔ. Kɔnɔ wo ya a taran, Mansa Sɔli ara bolo-tafɛlɛnnɛnu anubɛ yi-kɔrɔ-fɛlɛnnɛnu gben anuna nyamanɛ rɔ.