1 Samuwɛli 15:15 - ALLALA KUMƐ

¹⁵ Mansa Sɔli ya a fɔ a ye ko, “Nna kɛlɛ-dannu denu ya anu bi Amalɛkinu bolo. Anu ya ninki-hakikɛnu anubɛ saga-hakikɛnu namara ka anu ma ila Mari Allata sarakɛnu na. Kɔnɔ ma ya a toe bɛɛsi kasara tɛrr!”

1 Samuwɛli 15:15 Iomraidhean Croise

Yobu 31:33

Mɔgɛ donu si anu hakɛ dogon kɔnɔ ha bi, nde ma ntɛ dogon bɛ.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Matiyu 2:8

A ya anu sɔ Bɛtalehɛm ka anu masara ko, “Wo ta dennɛ wo nyini bɛrɛkɛ! Wo wa a yen tumɛ min, wo ni na a rakaran n ye. Nde bɛrɛn ni ta a bato.”

Luka 10:29

Kɔnɔ tɔn-karan-mɔgɛ ye nyinina a nyɛrɛ fɛkala. Woletɔ a ya Yisa manyinika ko, “N sigi-nyɔgɛ ye yon na?”

1 Samuwɛli 15:16

Samuwɛli ya a lakala, a ko, “A to. Mari ya min fɔ n ye kunu suyi rɔ, n ni wo rakaran i ye.” Mansa Sɔli ya a fɔ a ye ko, “Nba, awa, a fɔ n ye.”

1 Samuwɛli 15:21

Kɔnɔ nna kɛlɛ-dannu, wonu ma sɔn saga-hakikɛnu anubɛ ninki-hakikɛnu fagala. Yanni anu ni wo ma, anu nara anu na Kiligali yan tɔ alako ka anu ma sarakɛnu na ileta Mari Alla ye.”

1 Samuwɛli 15:9

Mansɛ wo kɛndɛ tora Mansa Sɔli anubɛ ala kɛlɛ-dannu bolo. Amalɛkinuna saga-hakikɛnu anubɛ anuna ninki-hakikɛnu fanan kɛndɛ tora. Anu bolo-fan minnu kin, anu ya wonu namara anu nyɛrɛ ye. Anu bolo-fan minnu ma kin dɔrɔnfan, anu ya wonu kasara.