1 Samuwɛli 15:11 - ALLALA KUMƐ

¹¹ “Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.

1 Samuwɛli 15:11 Iomraidhean Croise

Ko-Dabirɛnu 6:6

wo le ya a to, anuna mɔninyɛ donta Mari rɔ.

Ko-Dabirɛnu 6:7

Mari ko, “N bara mɔgɛ minnu dan duninya rɔ, anu kɛ-nya ara a ma, n bara nimisa anu dan-koe la. N si anu dama halaki dugu-kole kuma, mɔgɔ wo, sogo wo, sagan-fen wo, anubɛ konanu.”

2 Samuwɛli 24:16

Marita niyi-bɔ-melika gbɛrɛnnɛ Yerusalɛm soe ma tumɛ min, Mari kinikinita Isirɛla mɔgɛnu ma ka a miriya yɛlɛma. A ya tɔn sigi anu kasarɛ la. A ya a fɔ ala melika wo ye ko, “A to ka. Minnu bara faga kɛ la, wo ara a bɔ!” Wo ya a taran, niyi-bɔ-melika wo ara ke Arɔnala gbere-kole ma. Yɛbusi mɔgɛ le ale Arɔna la.

1 Mansɛnu 11:9

Hali Isirɛlata Mari Alla ara a nyɛrɛ yira Mansa Silamɛni na kiyo rɔ nun iko fila, ado Mari ara a fɔ a ye ko a kana don bɛsi-kɔ-koe rɔ, a ma Allata kumɛ bira fɔ ka a kan-kɔ sɔ Mari la. Wo le ya a ma, Mari fonde bɔra Mansa Silamɛni kuma.

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

1 Ko-Kɔrɔta-Karan 21:15

Wo kɔma, Alla ya niyi-bɔ-melika lata Yerusalɛm kasara tinɛ. Kɔnɔ yanni niyi-bɔ-melika ni wuli mɔgɛnu fagala Yerusalɛm soe burɔ tumɛ min, Mari kinikinita Isirɛla mɔgɛnu ma ka a miriya yɛlɛma. A ya tɔn sigi anu kasarɛ la. A ya a fɔ ala melika wo ye ko, “A to ka. Minnu bara faga kɛ la, wo ara a bɔ!” Wo ya a taran, niyi-bɔ-melika wo ara ke Arɔnala gbere-kole ma. Yɛbusi mɔgɛ le ale Arɔna la.

Yobu 34:27

bawo anu bara anu kan-kɔ sɔ a la ka anu ban ata tɔn-bira-koe ma.

Yaburi 109:4

Hali anu di n ye, ado n bara madiyali kɛ anuna ko la, anu bi n kan ma tolon!

Yaburi 110:4

Mari nyɛrɛ ya lanyiri kiri, ado a ti wo tinya muk! A ko ale mansɛ si ma saraka-masɔlɛ la habadan iko Mɛlikisidaki.

Yaburi 119:136

N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Yaburi 36:3

Fenfen sa a da rɔ fɔ kuma-yogoma-fɔɛ anubɛ foninya-fɔɛ. Alela ko sa hɛnkilimaya-koe anubɛ ko-nyimɛ wara-koe rɔ tun.

Yaburi 78:41

Anu tora a kɔrɔbɔla le tolon! Anu ya Isirɛlata Alla-sɛnimɛ fonde kɔrɔtɔ a ma.

Yaburi 78:57

Anu mara telenbɛlɛnu anubɛ murutinu na iko anu fanu. Ni mɔgɛ si la kalabɛn-tadunɛ la, mani mɔgɛ si la mɔgɛ kɛnu na.

Bɔ-Koe-Iyipiti 32:11

Musa ya ata Mari Alla madiya. A ko, “Mari, i wara ila mɔgɛ minnu nabɔ Iyipiti nyamanɛ rɔ ita sɛnbɛ-wɛ la, ila diminyɛ si wara wonu kuma nfen na?

Bɔ-Koe-Iyipiti 32:14

Wo le ya a ma, Mari ya a fonde yɛlɛma. A ma ala mɔgɛ wonu kasara tun.

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Yɛrɛmaya 34:16

Wo kɔma, wo ya wo miriya yɛlɛma tun ka a yira ko wo ma ale Mari gbiliya. Wo ara yɔɔn minnu boloka nun iko anu bi nyinina a ma nya min, wo ara wonu bira tun ka a lagbɛlɛya anu kuma.

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Yɛrɛmaya 9:18

Wonu burumatoe ni na tiriya ka diyi-kɛ dabira anu sɛbɛ-kuna-wɛ la. Wo si a ma, wo ya-yi ni wo ya-denkɛ lafa. Wo ya-yi si yigi iko bɛ.

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Emɔsi 7:3

Woletɔ Mari ya a fonde yɛlɛma ka a fɔ nde, Nɛbi Emɔsi ye ko, “N bara n miri ko-yogomɛ min ma mɔgɛ kɛnu bara la, n ti wo ma tun.” Ko-Rayira Fila Nyɔgɛ

Yona 3:10

Anu bara min bɛɛsi ma, Alla ya wo yen. A ya a lɔn worɔ anu bara anu sɔn-yogomɛnu boloka. Woletɔ a ya a fonde yɛlɛma. A ma sɔn anu halaki-koe ma tun iko a ya a fɔ nya min nun.

Yona 4:2

A ya a fɔ Mari ye ko, “Yanni n ni bɔ n barɛ, n ya a lɔn ko i ye anu makotola le, woletɔ n ya n buri. N ko n ni ta Sipeni. N ya a lɔn nun ko mɔgɛnu di i ye kosɛbɛ, i kinikinite. I si i munyu mɔgɛnu kɔrɔ, i kɛ-nya kin. Hali i si mɔgɛ minnu halaki kɔnɔ i latiri i fonde yɛlɛmana ka kinikini anu ma.

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

Matiyu 24:13

Kɔnɔ min si a munyu ha ala ban, wo si kisi,

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Luka 6:12

Wo wati rɔ, Yisa yɛlɛta kɔnkɛ do kuma madiyali-kɛ-tinɛ. A kira nyɔ Alla madiyɛ la.

Hiburunu 10:38

Hali wo, nta mɔgɔ-latelennɛnu si to anuna dɛnkɛninyɛ rɔ. Kɔnɔ ni anu fenfen ya anuna dɛnkɛninyɛ boloka, wo tigi ti n hɛnɛ.”

1 Samuwɛli 12:23

Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.

1 Samuwɛli 13:13

Samuwɛli ya a fɔ a ye ko, “I wara yuwaya-koe le ma wo la. Ita Mari Alla ya tɔn minnu di i ma, i ma sɔn wonu bira-koe ma. Ni i ya a sako le kɛ nun, a si a ma, wobɛ i kegeyɛnu ni to mansayɛ la Isirɛla kun na burubukai!

1 Samuwɛli 15:10

Wati tenbinɛ, Mari ya a fɔ Samuwɛli ye ko,

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”

1 Samuwɛli 15:35

Mari nimisara bawo a ara Sɔli ma mansɛ la. Samuwɛli fanan yisi tinyanta Sɔlila ko la, ado a ma Sɔli yen a yɛ la tun ha ale Samuwɛli fagara.

1 Samuwɛli 15:9

Mansɛ wo kɛndɛ tora Mansa Sɔli anubɛ ala kɛlɛ-dannu bolo. Amalɛkinuna saga-hakikɛnu anubɛ anuna ninki-hakikɛnu fanan kɛndɛ tora. Anu bolo-fan minnu kin, anu ya wonu namara anu nyɛrɛ ye. Anu bolo-fan minnu ma kin dɔrɔnfan, anu ya wonu kasara.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 8:6

Samuwɛli ma sewa anuna mansaya-koe wo la woletɔ a ya Mari madiya.