1 Samuwɛli 15:1 - ALLALA KUMƐ

¹ Samuwɛli ya a fɔ Mansa Sɔli ye ko, “Mari le nyɛrɛ ya nde sɔ ka ile dantɛgɛ. Ile mara Isirɛla mɔgɛnuna mansɛ la. I tole masɔ. Mari Sɛnbɛ-Bɛɛ-Tigi si na min fɔ, i ni wo lamɔɛn.

1 Samuwɛli 15:1 Iomraidhean Croise

2 Mansɛnu 7:1

Nɛbi Ilaisa ya a fɔ a ye ko, “Mansɛ, i wɔlɔ matɔlɔ Marita kumɛ la. Mari ko, yanni kɛ nyɔgɔn tumɛ sina, i si ke dɛgɛ-munke pani-kunbɛ-nya sawa sanna wodi-gbɛ-gbu-ni kelen na Samariya soe burɔ, ado, i si fui-fan pani-kunbɛ-nya wɔrɔ san wodi-gbɛ-gbu-ni kelen na.”

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 12:14

Ni wo ya wo tole masɔ wota Mari Alla la ka a gbiliya ka ata tɔnnu bira ka ata wɔlɛ kɛ, wo wara-koe bɛɛ si ta a kilɛ fɛ. Ni wobɛ wola mansɛ ya Mari sako kɛ, ko-nyimɛ le wo la.

1 Samuwɛli 13:13

Samuwɛli ya a fɔ a ye ko, “I wara yuwaya-koe le ma wo la. Ita Mari Alla ya tɔn minnu di i ma, i ma sɔn wonu bira-koe ma. Ni i ya a sako le kɛ nun, a si a ma, wobɛ i kegeyɛnu ni to mansayɛ la Isirɛla kun na burubukai!

1 Samuwɛli 9:15

Kɔnɔ yanni anu ni ke nyɔ, wo ya a taran, Mari ara kuma Samuwɛli ye nun. A ko,

1 Samuwɛli 9:16

“Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”