1 Samuwɛli 14:6 - ALLALA KUMƐ

⁶ Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 14:6 Iomraidhean Croise

2 Samuwɛli 1:20

Ma kana wo fɔ Filisitinu ye minnu siginɛ Kati anubɛ Asikalɔn soenu tɔ. Ma kana sɔn, anuna musinu ni nyagalen. Ma kana sɔn, kemininyabɛlɛ wonuna dunmusinu ni sewa.

2 Samuwɛli 16:12

Tumado Mari si nta tɔrɔyɛ kɛ yen ka ala mɔɛn wo yɛlɛma duwɛ la n ye.”

2 Mansɛnu 19:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla matara ma ye.”

2 Ko-Kɔrɔta-Karan 14:10

Mansa Esa anubɛ ala kɛlɛ-dannu tara anu kun-kɔrɔ-bɛn. Anu kurun filɛ bɛɛ ya anu sɔ tinɛnu bi Safata lɛɛ rɔ Marasa soe dafɛ ka anu ya-lamunun anu nyɔgɔn na.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

Yaburi 135:6

San-kole kuma wo, dugu-kole kuma wo, kɔgɔ-yi rɔ wo, kɔgɔ-yi-dumɛ rɔ wo, min ba diya ale ye, a ye wo le mala.

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Yɛrɛmaya 9:25

A Iyipiti kɛ wo, a Yuda kɛ wo, a Idɔm kɛ wo, a Amon wo, a Mohabu wo, a wularɔ-mɔgɛ minnu bi anu kun-sigi wuruyala wo, Mari ko wati ye nala, a si anu tɔrɔ. Anu bara kemininya nun kɔnɔ sarama-kan min kirinɛ wolela ko la, anu denu sa wo birala. Mɔgɛ kɛnu wo, Isirɛla mɔgɛnu wo, Mari ko a si wo tɔrɔ wo nyɔgɔn fɛ bawo wo do-wo-do sa sarama-kan wo latɔnbagayala.

Emɔsi 5:15

Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.

Sɛfanaya 2:3

Wole min bɛɛ famayiginɛ nyamanɛ kɛ rɔ ka Marita tɔnnu bira, wo na Mari ma. Wo ni ko-latelennɛnu kɛ ka wo famayigi Mari ye. Tumado, Mari si kinikini wo ma ala kiti-tɛgɛ-lunyɛ rɔ.

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Yilan-Yilan Koe 10:32

Ni ile sɔnta ka bila male fɛ, Mari ye duwɛ min bɛɛ yigila ma kuma, ma si a ma, ile fanan ni wo do sɔrɔn.”

Yilan-Yilan Koe 31:4

Kɛlɛ-dan mɔgɔ waga kelen-kelen ni bɔ Isirɛla bɔnsɔn bɛɛsi rɔ.”

Matiyu 19:26

Yisa tora anu mafɛlɛnna sin! A ya anu yabi ko, “Mɔgɛ ti ke wo mala kɔnɔ Alla si ke koe bɛɛ mala.”

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Yasowa 14:12

Awa, i ni kɔnkɔ-nyamanɛ kɛ di n ma iko Mari ya lanyiri kiri n ye nya min. Ma ya ma dantɛgɛ tumɛ min, ma ya a fɔ ko mɔgɔ-kinama-wɛnu bi nyɔ. (Anaki bɔnsɔn le kɛnu na.) Anu siginɛ so-wɛnu tɔ minnu nafoonɛ tarɛ la. Kɔnɔ kaka, ni Mari ye n fɛ, n si mɔgɛ kɛnu gben nyamanɛ kɛ rɔ.”

Kɛlɛ-Kurugbɛnu 15:18

Ale Samsin kan lagbalata dɔgɔma-ma-de! A ya Mari rakele, a ko, “I wara a ma, n bara mɔgɛ kɛnu nɔ bi. Kɔnɔ n kan la ara gbala nya min kɛ la, Filisiti-kemininyabɛlɛ kɛnu si na n suyi taran kɔrɛ, yɔ!”

1 Samuwɛli 14:5

Kuri min siginɛ kilɛ kan tɔ, wo yɛ lamununnɛ Mikimasi soe la. Min bi kilɛ dugu la, wo yɛ lamununnɛ Kiba soe la.

1 Samuwɛli 14:7

Ala miran-madununɛ wo ya a fɔ a ye ko, “Ni ko-wo-ko kɛ-sɔgɛ ye i la, n bi i fɛ.”

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.

1 Samuwɛli 17:47

Min sanɛ wo kuma, mɔgɛ kɛnu si a lɔn yan tɔ ko Mari mako sa faan anubɛ tanbɛ la ala mɔgɛnuna kisi-koe rɔ. Marita kɛlɛ le kɛ la, ado a si wo damasi don ma bolo.”

1 Samuwɛli 31:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti-kemininyabɛlɛ kɛnu kana na anu diya n faga-koe la ka n mɔnima-fagɛ-kɛ.” Kɔnɔ keminɛ wo kilanta a faga-koe ma. Mansa Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun faan wo sun na.