1 Samuwɛli 14:47 - ALLALA KUMƐ

⁴⁷ Mansa Sɔli ye mansayɛ la Isirɛla kun na tumɛ min, a kɛnɛna a yogenu kɛlɛla kan tinɛ bɛɛ rɔ. A ya Mohabu kɛnu kɛlɛ anubɛ Amonnu anubɛ Idɔm kɛnu anubɛ mansɛ minnu bɔra Soba nyamanɛ rɔ anubɛ Filisiti mɔgɛnu. A ya min bɛɛsi kɛlɛ, a ya wonu nɔ.

1 Samuwɛli 14:47 Iomraidhean Croise

Ko-Dabirɛnu 19:37

Ala den fɔlɔtɛ ya den-kei sɔrɔn. A ya a tɔgɔ sa Mohabu. Mohabu mɔgɛnu benba le wo la.

Ko-Dabirɛnu 19:38

A dɔgɔmɛ fanan ya den-kei sɔrɔn. A ya a tɔgɔ sa Bɛn-Ami. Amonnu benba le wo la.

Ko-Dabirɛnu 36:1

Isɔ bɔnsɔn le Idɔm kɛnu na.

Ko-Dabirɛnu 36:19

Kun-tigi le wonu na minnu bɔra Isɔ bɔnsɔn rɔ.

Ko-Dabirɛnu 36:8

Woletɔ Isɔ yirindira ka ta a daga makɛ Idɔm nyamanɛ rɔ kɔnkɛnu siya kan min.

2 Samuwɛli 1:22

Yonatan kusan kalabɛn lakɛla, ado ni a fa Sɔlila faan ye a bolo, a ti kinikini mɔgɔ-wo-mɔgɔ ma. Anu kɛnɛna anu yogenu fagala hali minnu makilannɛ.

2 Samuwɛli 10:6

Amonnu ya a lɔn min kɛ ko anu bara Mansa Dawuda ma anu yoge la, anu tara Siriya kɛlɛ-dan mɔgɔ waga mogan (20,000) masan Soba soe anubɛ Bɛti-Rihobu soe burɔ. Anu tara mɔgɔ waga tan-ni-fila masan Tɔbu nyamanɛ rɔ fanan. Anu tara Meyaka nyamanita mansɛ wara ka ale anubɛ ala kɛlɛ-dan mɔgɔ waga kelen (1,000) masan.

2 Samuwɛli 8:15

Mansa Dawuda ya Isirɛla nyamanɛ mumɛ bɛɛ mara, ado a ya koe bɛɛsi lata a kilɛ fɛ ka ko-latelennɛ kɛ.

2 Samuwɛli 8:3

Rihobula den Mansa Hadadisa, min bi Soba soe wo kun na, wo tanɛ kɛlɛ-kɛ-tinɛ Yufereti bɛ dafɛ alako a ni nyɔ bi tun a yogenu bolo. Mansa Dawuda anubɛ ala kɛlɛ-dannu tara bui anu ma ka Soba soe bi anu bolo.

1 Mansɛnu 11:23

Alla ya a ma, Ilayadala den Reson wulita Mansa Silamɛni kan ma fanan. Mansa Hadadisa min bi Soba nyamanɛ kun na, Mansa Dawuda ya wo nɔ kɛlɛ rɔ nun anubɛ Siriya kɛlɛ-dan minnu nara a dɛnbɛ tinɛ kɛlɛ rɔ. Wo kɔma, ale Reson ya a buri Mansa Hadadisa kɔrɔ nyɔ le. A tara ma mɔgɔ-mabuilɛnuna kun-tigi la. Anubɛ ala keminɛ wonu tara sigi Damasika soe burɔ. Anu tara a ma Siriya mansɛ la nyɔ rɔ.

2 Mansɛnu 14:27

Mari miriya ma taran Isirɛla mɔgɛnu nato-koe ma dogbe! Woletɔ a ya a ma, Mansa Yɛrabowami ya anu kunka.

1 Samuwɛli 12:2

Kaka, wo ara wola mansɛ sɔrɔn, ado nde don bara kɔrɔya. N kunyɛ fanan bara gbɛ. I ma nna den-keminɛnu yen? Ka a bi n dennɛ ma ha ka a sigi kaka la, n bi wola kun-tigiyɛ la.

1 Samuwɛli 13:1

Kɛ wati ya a taran, Mansa Sɔli ara san kelen bɔ mansayɛ la. A san fila nyɔgɛ ma,

1 Samuwɛli 14:46

Wo kɔma, Mansa Sɔli ya a fara Filisitinu sagaranna. Filisitinu tara anuna nyamanɛ rɔ ka anu sigi nyɔ.

1 Samuwɛli 14:52

Mansa Sɔli siyi-tele-bɛɛ kɔrɔ Filisitinu taranta kɛlɛ-makawanɛ le kɛla tolon! Ni Mansa Sɔli ya mɔgɔ-wo-mɔgɔ taran min kolo gbɛlɛ, ado a kerinte, a si wo ma ala kɛlɛ-dan la.

1 Samuwɛli 21:7

Wo ya a taran, Mansa Sɔlila saga-kandanna-kun-tigi min tɔgɛ Dowɛgi, wo ye saraka-masɔlɛ wo fɛ. A matanbaninɛ nyɔ bawo a tara min na Marita Fani-Bɔn la, a ma wo ka wɛ a la anubɛ Alla tɛma. Idɔm kɛ le ale la.