1 Samuwɛli 14:38 - ALLALA KUMƐ

³⁸ Mansa Sɔli ya a fɔ kɛlɛ-den-kun-tiginu ye ko, “Wo na, ma ni koe kɛ fɛsɛfɛsɛ. Ma ni a lɔn ma ara hakɛ min kɛ bi.

1 Samuwɛli 14:38 Iomraidhean Croise

2 Samuwɛli 18:3

Kɔnɔ mɔgɔ sawɛ wonu ya a fɔ a ye ko, “Hali ile nyɛrɛ ma ta ma fɛ. Ni ma yogenu ya ma gben, ma ni ma buri anu kɔrɔ, anuna ko wo ti taran wo rɔ. Ni anu ya ma tɔnkɔn kelen faga, wo bɔrɔ-wo-bɔrɔ sa ma yoge wonu ye. Kɔnɔ ile kelen pe niyi tenbira ma mɔgɔ waga tan niyi la pirr! Min fisa wo rɔ, ile ni to soe burɔ yan. Alako dɔrɔn i kana nyina ma ko de!”

Yaburi 47:9

Sibolo-gbɛrɛ kun-tiginu si anu kundɛn kan-tina-kelen Allata mɔgɛnu fɛ, Iburayimata Alla, kɔni. A makilanta kɛlɛ-dan bɛɛ ko. A kuman-kan ti bɔ a gbɛ rɔ hali doni!

Sakaraya 10:4

A kun-tigi wo, a mɔgɔ-ba wo, a kɛlɛ-kurugba wo, a ko wonu dama si bɔ Yuda bɔnsɔn rɔ ka to ala mɔgɛnu kuma.

Yilan-Yilan Koe 24:17

‘N bi wula-yanna-koenu yenna nala kɔnɔ a ma ke wɛ fɔlɔn. N bi mansɛ do yenna nala ka bɔ Isirɛla mɔgɛnu tɛma kɔnɔ a fɛ-yan fɔlɔn. A ye malanna iko lolo-malanni-wɛnu. A si Mohabu kun-tiginu kunyɛ ratii. A si mɔgɔ-wasinɛnu anubɛ kɛlɛ-tɛgɛlɛ kɛnu tinya feu!

Matiyu 21:42

Yisa ya a fɔ anu ye ko, “A sɛbɛnɛ Allata kitabu rɔ ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la. Mari nyɛrɛ-nyɛrɛ ya kɛ ma, ado wo mara kabana-ko-wɛ la ma yala!’ Ha bi, wo ma wo karan bɛ, wa?

Ɛfɛsa 2:20

Kilayɛnu anubɛ nɛbinu mara bon-kurukɛ-fan la min kɛ, wole ara ma a bon-dagɛ la, ado Kirasiti nyɛrɛ le bɔn wo sɛbɛna-kuru-tɔnɔnamɛ la.

Yasowa 7:11

Isirɛla mɔgɛnu bara hakɛ kɛ. Anu ma nta kumɛ bira bawo anu ya kankanya-fan wonu ma anutɛ la Yɛrikɔ, a bɛnnɛ nun ka min halaki. Anu ya foninyɛ fɔ ka fan wonu ma anutɛ la.

Yasowa 7:12

Wola ko la, Isirɛla mɔgɛnu ma anu yogenu nɔ. Wo le ya a ma, anu ya anu nyɛrɛ halaki. N ti to wo fɛ tun fɔ wo wa tubi ka fan bɛɛ tinya minnu bi wo bolo ka bɔ Yɛrikɔ soe burɔ.

Kɛlɛ-Kurugbɛnu 20:2

Isirɛla bɔnsɔn-kun-tigi damasi ye nyɔ anubɛ kɛlɛ-dan mɔgɔ waga kɛmɛ nani. Anu mabɛnnɛ kɛlɛ-kɛ-koe la.