1 Samuwɛli 14:32 - ALLALA KUMƐ

³² Anu bara anu yogenuna bolo-fan minnu bi anu bolo nun, anu burimatoe tara kɛ wonu ma. Anu ya sagɛnu anubɛ ninkinu bi ka wonu tatɛgɛtɛgɛ anu gbɛ rɔ nyɔ. Anu ya soge wonu magbusu ka anubɛ a yele dɔn.

1 Samuwɛli 14:32 Iomraidhean Croise

Ko-Dabirɛnu 9:4

Alla ya a fɔ Nowa ye tun ko, “Kɔnɔ wo kana soge anubɛ a yele dɔn mumɛ kamasɔrɔn niyi ye a yele wo le tɔ.

Isikiyɛli 33:25

“Nde, i Tigi Marita kumɛ kɛ latenbi anu ma. A fɔ anu ye ko anu bi soge anubɛ a yele dɔnna. Anu bi bɛsɛnu kɔla. Anu bi mɔgɛnu fagala. Anu miri kama worɔ ko anu halalɛ le nyamanɛ kɛ la?

Saraka-Masɔlɛnuta Tɔnnu 19:26

“Wo kana sogo-suyi anubɛ a yele dɔn. “Wo kana wo nyɛrɛ don duruya-koenu tɔ.

Saraka-Masɔlɛnuta Tɔnnu 3:17

Isirɛla mɔgɔ-wo-mɔgɔ kana sogo-wo-sogo kɛɛn dɔn, ni wo ma, a yele. Wo siginɛ kan-bo-kan, tɔn le kɛ la Isirɛla mɔgɛnu ye habadan!”

Kɛwɔlɛnu 15:20

Kɔnɔ ma ni kɛdi sɛbɛ anu ma ka a fɔ anu ye ko dɔn-fan min bara di bɛsɛnu ma nun, anu kana wo dɔn bawo a latinyanɛ. Anu ni anu nyɛrɛ matanka yɛlɛnya-su bɛɛ ma. Wo kɔma, anu kana sogo-yifanɛ fenfen dɔn bawo a yele ye a rɔ.

Kɛwɔlɛnu 15:29

A fɔlɔtɛ, wo kana fen dɔn min dira bɛsɛnu ma nun. A fila nyɔgɛ, wo kana sogo-yifanɛ dɔn bawo a yele ye a rɔ. A sawa nyɔgɛ, wo ni wo nyɛrɛ matanka yɛlɛnya-su bɛɛ ma. Ni wo ya wo nyɛrɛ matanka koe kɛnu ma, koe bɛɛ si bɛn wo ma. Alla ni to wo fɛ.”

Tɔn-Fɔɛ-Fila-Nyɔgɛ 12:16

Kɔnɔ wo kana anu yele dɔn de! Ni min ya ata soge faga, a ni a makɔnɔ a yele bɛɛsi ni bɔ a rɔ dugi ma iko yi.

1 Samuwɛli 15:19

Nfenna i ma Marita kumɛ wo bira? Nfenna wo ya wo buri tala fen-kolomɛ wonu birala ka Mari fonde magboya?”