1 Samuwɛli 14:3 - ALLALA KUMƐ

³ (Saraka-masɔlɛ do ye anu tɛma nyɔ min tɔgɛ Ahaya. Ahaya kɛ, saraka-masɔla-wɛla fɔlɔnfalan ye a kan na Alla sako-lɔn-fannu bi min ma. Ahaya wo fanan fa tɔgɛ le Ahituba. Ahituba wo fanan na-kelen-nyɔgɛ tɔgɛ le Gbiliya-Sa. Anu fa tɔgɛ le Finihasi. Anu benba tɔgɛ le Ilayi. Wo ye saraka-masɔ-wɔlɛ kɛla nun Mari ye Sailo.) Mɔgɔ-wo-mɔgɔ ma a lɔn nun ko Yonatan fanan bara ta.

1 Samuwɛli 14:3 Iomraidhean Croise

1 Samuwɛli 1:3

San-bo-san, Ɛlakena si bɔ Rema ka ta Mari Sɛnbɛ-Bɛɛ-Tigi bato tinɛ Sailo soe burɔ ka sarakɛnu bɔ a ye nyɔ. Wo wati rɔ, Saraka-Masɔla-Kun-Tigi-Wɛ Ilayita den kemini filɛ Hɔfini anubɛ Finihasi taranta saraka-masɔ-wɔli kɛla nyɔ Mari ye.

1 Samuwɛli 14:36

Mansa Sɔli ya a fɔ ala kɛlɛ-dannu ye ko, “Ma yigi Filisitinu kan ma ka bui anu ma suyi kɛ rɔ ka anu damasi faga ha subaga ma. Hali mɔgɔ-den-kelen-bɛrɛn kana to a niyi la.” Kɛlɛ-dannu ya a fɔ a ye ko, “A ma iko a di i ye nya min.” Kɔnɔ anuna saraka-masɔlɛ ko, “Ma ni Alla fɔlɔn manyinika wona.”

1 Samuwɛli 2:18

Wo wati ya a taran, Samuwɛli dennɛ le nun. A ye wɔlila Mari ye. A si linɛn-fɔlɔnfalan bila a kan na min manɛ iko saraka-masɔlɛnuta fɔlɔnfalan-natankanɛ.

1 Samuwɛli 2:28

A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.

1 Samuwɛli 22:20

Kɔnɔ Saraka-Masɔla Ahimɛlɛkila den Abiyatari, wo ya a buri tala kofula Dawudala keminɛnu ma.

1 Samuwɛli 4:21

A ya dan wo tɔgɔ sa “Gbiliya Sa Tun” bawo a ko, “Allata gbiliyɛ ara bɔ Isirɛla mɔgɛnu bolo bawo anu bara ta Allata tɔn-kenkirɛ la,” ado a benba anubɛ ala kei ara faga.

1 Samuwɛli 4:4

Woletɔ anu ya mɔgɛnu nata Mari Sɛnbɛ-Bɛɛ-Tigita tɔn-kenkirɛ wo bi-tinɛ Sailo soe bawo Mari mayiginɛ melika-muninya filɛ wonu tɛma tɔn-kenkirɛ wo kuma. Ilayila den-kemini filɛ, Hɔfini anubɛ Finihasi bilara tɔn-kenkirɛ wo fɛ.