1 Samuwɛli 14:16 - ALLALA KUMƐ

¹⁶ Mansa Sɔlita kɛlɛ-dan minnu bi Kibiyon makandanna Bɛnyamɛta nyamanɛ rɔ, wonu ya Filisitinu burimatoe basannɛ yen nyɔ la kumakɔɛ bolo.

1 Samuwɛli 14:16 Iomraidhean Croise

Yaburi 58:7

Anu ni tunu yen, iko yi wa bon dugu ma. Anu tenbi anuna kalabɛn lakɛla, alamɛ anu foora.

Yaburi 68:2

A si anu gben iko fɔnyɔ si ta-sisi gben nya min. Karagbɛlɛnu si taran Alla tontɛ kɔrɔ, iko tɛ si kɛɛn lalee nya min.

Aiseya 19:2

Mari ko a si na-kelen-nyɔgɛnu nakɛ anu nyɔgɔn ma ka sigi-nyɔgɔma-gbansan fanan nakɛ anu nyɔgɔn ma. A ko a si soenu natugu anu nyɔgɔn ma. Nyamanɛnu si anu nyɔgɔn kɛlɛ.

Kɛlɛ-Kurugbɛnu 7:22

Kidiyɔn anubɛ ala kɛlɛ-dannu bi buru-fɛyɛ wo kun na, Mari ya a ma, anu yoge wonu donta anu nyɔgɔn kɛlɛla. Anu tara anu yogenu gbenna Sɛrɛrati kilɛ la ha Bɛti-Siti soe ma. Anu tara anu dan Abɛli-Mɛhola soe burɔ min bi Tabati soe dafɛ.

1 Samuwɛli 14:15

Filisitinuna kɛlɛ-dannu kumakɔra kilan bolo. Minnu bi dagɛ rɔ wo, minnu bi binyɛ rɔ wo, wonu dama kilanta. Alla ya dugi layɛrɛyɛrɛn. Wo le ya anu kumakɔ kilan bolo.

1 Samuwɛli 14:17

Woletɔ Mansa Sɔli ya a fɔ ala kɛlɛ-dannu ye ko, “Wo ni wo nyɔgɔn dan. Wo si a lɔn worɔ, ni kɛlɛ-dan do ara tunu wo rɔ.” Anu ya anu nyɔgɔn dan tumɛ min, anu ya a yen, Yonatan anubɛ ala kɛlɛ-miran-madununɛ sa anu tɛma nyɔ.

1 Samuwɛli 14:20

Tiriyante wo rɔ, Mansa Sɔli anubɛ ala kɛlɛ-dannu tara Filisitinu kan ma. Kɔndɔfili kelan kɛ ya a ma, Filisitinu donta anu nyɔgɔn kɛlɛ rɔ.