1 Samuwɛli 14:15 - ALLALA KUMƐ

¹⁵ Filisitinuna kɛlɛ-dannu kumakɔra kilan bolo. Minnu bi dagɛ rɔ wo, minnu bi binyɛ rɔ wo, wonu dama kilanta. Alla ya dugi layɛrɛyɛrɛn. Wo le ya anu kumakɔ kilan bolo.

1 Samuwɛli 14:15 Iomraidhean Croise

Ko-Dabirɛnu 35:5

Anu ya tagama dabira tumɛ min, Alla ya kilan don anu dafɛ-sorɔ-mɔgɛnu tɔ. Wo le ya a ma, anu ma Yakoba anubɛ ala den-keinu sagaran.

2 Samuwɛli 5:24

Ni i ya kinta-kan lamɔɛn pɔpɔ kɔlɔma-yanbɛ wonu na san ma, i si a lɔn wo rɔ ko nde, Mari ara ta wo yarɔ anu kɛlɛ tinɛ. Wobɛ ila kɛlɛ-dannu si anu kɛlɛ ka anu nɔ.”

Yobu 18:11

A ma si to banna ko-makilannɛnu bolo kan tinɛ bɛɛ rɔ. Anu bilanɛ a fɛ kan-bo-kan.

Yaburi 14:5

Kɔnɔ karagbɛlɛnu si yɛrɛyɛrɛn kumakɔɛ bolo bawo Alla mayiginɛ mɔgɔ-telennɛnu tɛma.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Daniyɛli 5:6

a yakɔrɛ sisira, a mɔlɔkɔnta kilan bolo.

Matiyu 24:6

Wo si kɛlɛ-koenu namɔɛn anubɛ kɛlɛ-kibarɛnu kɔnɔ wo kana kilan. A fɛrɛ sa fɔ wonu ni ma kɔnɔ a laban ma wo la fɔlɔn.

Yasowa 2:9

ka a fɔ anu ye ko, “N bara a lɔn ko wota Mari Alla ya nyamanɛ kɛ di wole, Isirɛla mɔgɛnu denu ma. N ya a lɔn fanan ko Kenan nyamanɛ mɔgɛ bɛɛ kilannɛ wo la.

Kɛlɛ-Kurugbɛnu 7:21

Anu tora sɔni anu gbɛ rɔ dagɛ wola foolɛ rɔ. Anu yogenu burimatoe ye belenna worondola kɔndɔfili bolo.

1 Samuwɛli 13:17

Filisiti kɛlɛ-dannu ya anu tafara sigi tina sawa la ka ta bui Isirɛla mɔgɛnuna soenu ma. Ɔfara soe min bi Suwali nyamanɛ rɔ, sigi tina kelen tara nyɔ wara la.

1 Samuwɛli 13:18

Sigi tina kelan doi tara Bɛti-Hɔrɔn soe wara la. Sigi tina kelan toe tara furr, fɔɔ Filisitinuna dan la min bi a yɛ layigila Sebom lɛɛ ma wulɛ dafɛ.

1 Samuwɛli 13:23

Filisitinu ya kɛlɛ-den-kurɔn donu nata nyɔ ka kɔnkɔ-gbɛran-don-dɛ makandan Mikimasi soe dafɛ.

1 Samuwɛli 14:14

Anu ya kɛlɛ dabira kan min, wonubɛ sara-ninki tele kelen wɔli-gbɛ kɛn de! Yonatan anubɛ ala keminɛ wo ya mɔgɔ mogan nyɔgɔn faga nyɔ wati-kundi wo kɔrɔ.

1 Samuwɛli 14:16

Mansa Sɔlita kɛlɛ-dan minnu bi Kibiyon makandanna Bɛnyamɛta nyamanɛ rɔ, wonu ya Filisitinu burimatoe basannɛ yen nyɔ la kumakɔɛ bolo.

1 Samuwɛli 7:10

Wulɔn-tele kelan, Samuwɛli ye sarakɛ wo bɔla, Filisitinu nara kɛ Isirɛla mɔgɛnu ma. Wati kelan wo rɔ, Mari ya san-gbalamɛ layigi Filisiti wonu ma ka anu kumakɔ. Anu tanyɛnsɛnta.