1 Samuwɛli 13:9 - ALLALA KUMƐ

⁹ Woletɔ Mansa Sɔli ya a fɔ anu ye ko, “Wo na saraka-mintantɛ anubɛ yisi-kima-sarakɛnu na n ye.” A ya saraka-mintantɛ wo mintan.

1 Samuwɛli 13:9 Iomraidhean Croise

2 Samuwɛli 24:25

A ya saraka-mintan-tinɛ sɔ nyɔ Mari ye. A ya saraka-mintantɛ anubɛ yisi-kima-sarakɛnu bɔ. Mari ya ala madiyali-kan lamɔɛn ka tɔn sigi kiraya-fitinɛ wo la Isirɛla nyamanɛ rɔ.

1 Mansɛnu 3:4

Lunyɛ do, Mansa Silamɛni tara Kibiyon soe burɔ ka sarakɛ bɔ Mari ye saraka-bɔ-tina-wɛ wo rɔ. A taranta saraka-mintantɛ-siyaman bɔla nyɔ nun!

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 20:22

Mɔgɔ kana a tayili sara. I ni dinya Mari kɔma, ale si ila koe bɛɛ latelen i ye.

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 12:6

Nyɔ si ma wola saraka-bɔ-tinɛ la, a mara saraka-mintantɛ la wo, a mara yaka la wo, a mara dato-saraka la wo, a mara hɛniki-sarakɛ la wo, a mara kolo-fen-den fɔlɔtɛ la wo,

1 Samuwɛli 14:18

Mansa Sɔli ya a fɔ saraka-masɔlɛ Ahaya ye ko, “Na saraka-masɔ-fɔlɔnfalan la, Alla sako-lɔn-fannu bi min ma.” (Tele wo nyɛrɛ rɔ, Ahaya tara fɔlɔnfalan wo la Isirɛla mɔgɛnu tɛma.)