1 Samuwɛli 13:6 - ALLALA KUMƐ

⁶ Anu tara bui Isirɛla mɔgɛnu ma ka a lagbɛlɛya anu kuma ha Isirɛla mɔgɛ donu ya anu dogon farannu na anubɛ farɛnu tɛma anubɛ kɔlon-tagbalanɛnu tɔ.

1 Samuwɛli 13:6 Iomraidhean Croise

2 Samuwɛli 24:14

Mansa Dawuda ko, “Kɔndɔfili-bɛrɛbɛrɛ le kɛ la n bolo. A ma di n ye n hadama-den-nyɔgɛ ni n tɔrɔ. Yanni wo ni ma, ale Mari nyɛrɛ ni n tɔrɔ bawo kinikinɛ ye ale rɔ.”

Aiseya 42:22

Kɔnɔ kaka, ala mɔgɛnu yogenu bara anu kankan ka anu tagbɛrɛnnɛ to yele la. Anu kankannɛ dogonnɛ ara to yele la, ado anu nabɔla fenfen ti taran nyɔ.

Yɛrɛmaya 41:9

Isirɛla Mansa Beyasa tara Yuda kɛnu kɛlɛ san min na nun, Yuda Mansa Esa ya kɔlɔn-belebele wo sin san wo le la. Sumanyila ya furi wonu nakɛ kɔlɔn wo le tɔ ka a lafa furinu na.

Isikiyɛli 33:27

“I ni anu makawandi ko nde, i Tigi Mari min bi n niyi la, n bara n keli n nyɛrɛ rɔ ko minnu siginɛ so kasaranɛ wonu tɔ, fɔ anu ba faga. Minnu bi binyɛ rɔ, sogenu si wonu dɔn. Minnu bɛɛ dogonnɛ kɔnkɛnu anubɛ farɛnu na, wonu si faga kirayɛ bolo.

Filipai 1:23

N kɔndɔfilinɛ ko filɛ kɛnu tɔ. N bi a fɛ ka bɔ nimayɛ kɛ rɔ ka ta to Kirasiti fɛ. Wo le fisa bɛrɛkɛ!

Hiburunu 11:38

Dinkira-nyima ma duninya kɛ la mɔgɔ-su-kɛnu ye. Anu tora yilan-yilanna wulɛ rɔ anubɛ kɔnkɛnu tɛma. Anu sigira farannu na anubɛ denkɛnu tɔ dugi kɔrɔ.

Yasowa 8:20

Eyai mɔgɛnu ya anu yɛ lasɛgi anu kɔma ka ta-sisi-wɛ yen yɛlɛla san ma. Kɔnɔ wo wati rɔ, fɛrɛ sa anu bolo ka ta kan-bo-kan bawo Isirɛla mɔgɛ minnu ya anu buri anu kɔrɔ, wonu sɛgira anu bara la ka anu kɛlɛ.

Kɛlɛ-Kurugbɛnu 10:9

Yuda bɔnsɔn-mɔgɔ wo, Bɛnyamɛ bɔnsɔn-mɔgɔ wo, Ifɛrɛm bɔnsɔn-mɔgɔ wo, Amon kɛnu ya Yorodan bɛ tɛgɛ ka ta wonu kɛlɛ. Woletɔ Isirɛla mɔgɛnu tora yakɔrɔ-mamɔ-belebele-wɛ kɔrɔ.

Kɛlɛ-Kurugbɛnu 20:41

Isirɛla bɔnsɔn tan-ni-kelan wonu sɛgira anu kan kɔma. Bɛnyamɛ bɔnsɔn-mɔgɛnu kumakɔra kilan bolo bawo anu bara a lɔn ko anu bi nala fagala le.

Kɛlɛ-Kurugbɛnu 6:2

Midiyan mɔgɛnu tagbɛlɛ Isirɛla mɔgɛnu ko. Woletɔ Isirɛla mɔgɛnu ya anu dogon farannu na kɔnkɔ-woenu tɔ.

1 Samuwɛli 13:15

Samuwɛli bɔra Kiligali soe burɔ. A tara. A mɔgɛ toenu bilara Mansa Sɔli fɛ ka ta kofu ala kɛlɛ-dannu ma. Anu bɔra Kiligali soe burɔ ka ta Kibiya soe min bi Bɛnyamɛ bɔnsɔnta nyamanɛ rɔ. Mansa Sɔli ya ala kɛlɛ-dannu dan tumɛ min, anu yatɛ bɛnta mɔgɔ kɛmɛ wɔrɔ (600) nyɔgɔn ma.

1 Samuwɛli 14:11

Anu tara sɔ gbɛ rɔ alako Filisitinu ni anu yen. Filisitinu ya anu yen min kɛ, wonu ya a fɔ ko, “Wo ni wo yɛ lata. Hiburu donu bi bɔla denkɛnu na anu dogon-kɛ-tinɛnu tɔ.”

1 Samuwɛli 14:22

Hali Isirɛla kɛlɛ-dan minnu dogonnɛ Ifɛrɛmta kɔnkɔ-nyamanɛ rɔ, wonu ya a lamɔɛn tumɛ min ko Filisitinu bara anu buri, wonu kofura anu na-kelen-nyɔgɛnu ma kɛlɛ-kɛ-tinɛ.

1 Samuwɛli 23:19

Sifi wularɔ-mɔgɛ donu tara Mansa Sɔli taran Kibiya soe burɔ. Anu ya a fɔ a ye ko, “Dawuda dogonnɛ ma-warɛ Hɔrɛsi. A ye Hakila kɔnkɛ rɔ min bi dugu-magbalanɛ rɔ Yuda nyamanɛ dugula wara la.”

1 Samuwɛli 24:3

A tara ke faran do ma kilɛ dafɛ saga-wɔrɛnu bi kan min. Mansa Sɔli tara da kɔma faran wo la. Kɔnɔ yaga, Dawuda anubɛ ala keminɛnu dogonnɛ faran wo burɔ pon!

1 Samuwɛli 31:7

Isirɛla mɔgɛ minnu siginɛ Yorodan bɛ kɔgɔma tele-bɔɛ wara la anubɛ Yɛsɛreli lɛɛ rɔ, wonu ya a lamɔɛn ko Mansa Sɔli anubɛ ala dannu bara faga anubɛ ko Mansa Sɔlila kɛlɛ-dannu bara anu buri, anu denu fanan ya anu buri ka anuna soenu boloka. Wo kɔma, Filisitinu nara sigi anuna soe wonu tɔ.

1 Samuwɛli 7:7

Filisitinu ya a lamɔɛn tumɛ min ko Isirɛla mɔgɛnu bara anu kundɛn Misipa, Filisitinuna mansa lolɛ wulita anubɛ anuna kɛlɛ-dannu ka ta Isirɛla mɔgɛnu kan ma. Isirɛla mɔgɛnu ya wo lamɔɛn tumɛ min, anu kilanta.