1 Samuwɛli 13:2 - ALLALA KUMƐ

² Mansa Sɔli ya kɛlɛ-den waga sawa (3,000) bi ka bɔ Isirɛla mɔgɛnu tɛma. A ya a mɔgɛ toenu nasɛgi anu barɛnu tɔ. Ale ya kɛlɛ-dannu wo waga fila (2,000) bi. Wonu tora ale fɛ Mikimasi soe burɔ anubɛ kɔnkɔ-nyamanɛ rɔ Bɛtɛli soe dafɛ. A ya a to waga kelen (1,000) bila ala den Yonatan fɛ. Wonu tara Kibiya soe burɔ Bɛnyamɛta nyamanɛ rɔ.

1 Samuwɛli 13:2 Iomraidhean Croise

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

2 Samuwɛli 21:6

Woletɔ wo ni kei mɔgɔ wɔrɔnfila bira, a kegeyɛnu, kɔni, ka wonu don ma bolo. Ma si anu faga ka anu dun kɔlɔma ma Kibiya soe burɔ Mari yala. Mari ya ale Sɔli min yabɔ ka a ma mansɛ la, a sɔrɔn-soe le Kibiya soe wo la.” Mansa Dawuda ko, “N si anu don wo bolo iko wo ara a fɔ nya min.”

2 Samuwɛli 23:29

Bayanala den Hɛlɛbu ka bɔ Nɛtofa soe burɔ, Rebayila den Itayi ka bɔ Kibiya soe burɔ Bɛnyamɛ bɔnsɔn nyamanɛ rɔ,

Ɛsira 2:27

Mɔgɔ kɛmɛ ani mɔgɔ mogan-ni-fila (122), wonu denu sɛgira anu benba soe Mikimasi burɔ.

Nihɛmaya 11:31

Bɛnyamɛ bɔnsɔn-mɔgɛnu sigira Kiba anubɛ Mikimasi anubɛ Eyai anubɛ Bɛtɛli soenu tɔ anubɛ nyɔ-dafɛ-so-mɛsɛnu tɔ.

Yasowa 18:28

Sila, Ilɛfi, Yebusi (min tɔgɛ fanan Yerusalɛm), Kibiya, anubɛ Kiriyati-Yirɔm soe wonu fanan dira Bɛnyamɛ bɔnsɔn-mɔgɛnu ma. Wo damasi lakofunɛ so tan-ni-nani, anu dafɛ-so-nɛnu bɔnɛ a la.

Yasowa 22:6

Yasowa duwara anu ye ka anu nata anu barɛ.

Kɛlɛ-Kurugbɛnu 19:12

A tigi ko, “Ma ti ki mɔgɛnu tɛma ni Isirɛla mɔgɛnu ma minnu na. Ma ta doni. Ma si ki Kibiya soe burɔ, ni wo ma, Rema soe.”

1 Samuwɛli 10:26

Sɔli fanan sɛgira a warɛ Kibiya soe burɔ. Alla ara minnu yisi yɛlɛma, wo mɔgɔ-malɔnnɛ donu bilara a fɛ.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.

1 Samuwɛli 13:1

Kɛ wati ya a taran, Mansa Sɔli ara san kelen bɔ mansayɛ la. A san fila nyɔgɛ ma,

1 Samuwɛli 13:11

Kɔnɔ Samuwɛli ya a fɔ a ye ko, “I wara nfen ma kɛ la?” Mansa Sɔli ya a fɔ a ye ko, “Mɔgɛnu ta ara nyɛnsɛn n ma, ado i ya a fɔ le ko i ye nala. Kɔnɔ i ma na ila lɔgɔ-sanɛ kɔrɔ ha Filisitinu nadɛnta n kan ma Mikimasi.

1 Samuwɛli 13:15

Samuwɛli bɔra Kiligali soe burɔ. A tara. A mɔgɛ toenu bilara Mansa Sɔli fɛ ka ta kofu ala kɛlɛ-dannu ma. Anu bɔra Kiligali soe burɔ ka ta Kibiya soe min bi Bɛnyamɛ bɔnsɔnta nyamanɛ rɔ. Mansa Sɔli ya ala kɛlɛ-dannu dan tumɛ min, anu yatɛ bɛnta mɔgɔ kɛmɛ wɔrɔ (600) nyɔgɔn ma.

1 Samuwɛli 13:16

Mansa Sɔli anubɛ ala den Yonatan anubɛ anuna kɛlɛ-dannu ya anu daga makɛ Kiba soe dafɛ Bɛnyamɛ bɔnsɔnta nyamanɛ rɔ. Wo ya a taran, Filisitinu daga makɛnɛ Mikimasi soe dafɛ.

1 Samuwɛli 13:23

Filisitinu ya kɛlɛ-den-kurɔn donu nata nyɔ ka kɔnkɔ-gbɛran-don-dɛ makandan Mikimasi soe dafɛ.

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.

1 Samuwɛli 14:31

Tele wo nyɛrɛ rɔ, Isirɛla kɛlɛ-dannu ya Filisitinu nɔ. Anu bɔra anu fagala Mikimasi ha ka ta ke Aiyalɔn soe ma. Kɔnɔ wo ya a taran fanan, Isirɛla kɛlɛ-dannu mankulan bara bɔ anu ma kɔnkɛ bolo.

1 Samuwɛli 14:5

Kuri min siginɛ kilɛ kan tɔ, wo yɛ lamununnɛ Mikimasi soe la. Min bi kilɛ dugu la, wo yɛ lamununnɛ Kiba soe la.

1 Samuwɛli 14:52

Mansa Sɔli siyi-tele-bɛɛ kɔrɔ Filisitinu taranta kɛlɛ-makawanɛ le kɛla tolon! Ni Mansa Sɔli ya mɔgɔ-wo-mɔgɔ taran min kolo gbɛlɛ, ado a kerinte, a si wo ma ala kɛlɛ-dan la.

1 Samuwɛli 15:34

Samuwɛli tara a warɛ Rema soe burɔ. Mansa Sɔli fanan sɛgira a warɛ Kibiya.

1 Samuwɛli 24:3

A tara ke faran do ma kilɛ dafɛ saga-wɔrɛnu bi kan min. Mansa Sɔli tara da kɔma faran wo la. Kɔnɔ yaga, Dawuda anubɛ ala keminɛnu dogonnɛ faran wo burɔ pon!

1 Samuwɛli 26:2

Tiriyante wo rɔ, Mansa Sɔli tara Isirɛla mɔgɔ waga sawa (3,000) la a bolo minnu tagbɛlɛ. Anu tara Dawuda nyini tinɛ Sifi wulɛ rɔ.

1 Samuwɛli 8:11

A ya a fɔ anu ye ko, “Wo ye mansɛ min sɔrɔnna, a ye wo birala ka le. A si wola den-keinu bi ka anu ma kɛlɛ-dannu na. Donu si kɛlɛ kɛ kirindi la. A si a ma, donu fanan si kɛlɛ kɛ soee la. Donu fanan si anu buri ala kirindinu yarɔ ka ta kɛlɛ-kɛ-tinɛ.