1 Samuwɛli 13:19 - ALLALA KUMƐ

¹⁹ Wo wati ya a taran, nunaka mumɛ fenfen sa Isirɛla mɔgɛnu tɛma bawo a ma di Filisitinu ye Hiburunu ni kɛlɛ-kɛ-fen sɔrɔn.

1 Samuwɛli 13:19 Iomraidhean Croise

2 Mansɛnu 24:14

A ya mɔgɔ waga tan (10,000) bira ka ta wonu na Babilɔn nyamanɛ rɔ, a kɛlɛ-den-kun wo, a kɛlɛ-den wo, a boloma-wɔli-kɛla wo, katarala nunakɛnu ma. A tara anu dama la fɔɔ Babilɔn nyamanɛ rɔ. Fɔ fugarɛnu gbansan, wonu denu denu tora Yuda nyamanɛ rɔ.

Aiseya 54:16

Nunakɛ min bi kɛlɛ-mirannu nadanna, Mari ko ale le ya nunakɛ wo dan. Kɛlɛ-dan min si mɔgɛ faga kɛlɛ-miran wonu na, ale le ya kɛlɛ-dan wo dan.

Yɛrɛmaya 24:1

Babilɔn Mansa Nɛbukanasa tara Mansa Yahoyakimna den Yuda Mansa Yɛhoyasin la Babilɔn nyamanɛ rɔ. A tara Yuda mɔgɔ-banu anubɛ a boloma-wɔli-kɛlɛnu anubɛ siyakinu fanan na. Wo tenbira min kɛ, Mari ya senda fila yira n na minnu nafanɛ toro-gbɔɛ la. Anu siginɛ Bato-Bɔn lu-kole ma.

Yɛrɛmaya 29:2

Mansa Yɛhoyasin anubɛ a na tara birɛ rɔ tumɛ min, anubɛ Yerusalɛm mɔgɔ-banu anubɛ Yuda kun-tigi toe anubɛ nyɔ-boloma-wɔli-kɛlɛnu anubɛ nyɔ-siyakinu, n nara to kɛdi kɛ sɛbɛla.

Kɛlɛ-Kurugbɛnu 5:8

Kɛlɛ buira Isirɛla mɔgɛnu kuma tumɛ min, kɛlɛ-kɛ-fen wo fenfen ma taran mɔgɔ waga bi-nanɛ wo fenfen bolo. A mara wo nya bawo anu bara anu kan-kɔ sɔ Mari la ka anu don bɛsi-kɔ-koe rɔ.

1 Samuwɛli 13:20

(Ni a sɔgɛ ye Isirɛla mɔgɛnu na anu ni anuna nɛgɛ-kundinu natugu, fɔ anu ba ta Filisitinu bara.