1 Samuwɛli 13:14 - ALLALA KUMƐ

¹⁴ Kɔnɔ kaka, ila mansayɛ kɛ ti a laban. Bawo ile ma sɔn Marita tɔnnu birala, Mari si mɔgɛ do nyini min si ale sako kɛ koe bɛɛ rɔ. A si mɔgɛ wo to ile gbɛ rɔ mansayɛ la Isirɛla mɔgɛnu kun na.”

1 Samuwɛli 13:14 Iomraidhean Croise

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

2 Samuwɛli 6:21

Mansa Dawuda ya a fɔ a ye ko, “N bi n dɔn-tinɛ le nun ka Mari gbiliya, ado ale Mari le ya nde yabɔ ka n ma Isirɛla mɔgɛnuna mansɛ la. A ya n sigi i fa anubɛ a kegeyɛnu gbɛ rɔ. Fɔ n ba to n dɔnna Mari ye ka a gbiliya,

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

Yaburi 78:70

Alla ya ata wɔli-kɛla Dawuda yabɔ, saga-fɛ-biralɛ, kɔni.

Hɛnkilimaya-Kumɛnu 27:24

bawo wodi ti a laban mɔgɛ bolo. Hali kun-tigiyɛ fanan ti a laban.

Aiseya 39:5

Nde, nɛbi ya a fɔ mansɛ ye ko, “Nba, Mari Sɛnbɛ-Bɛɛ-Tigi ko

Kɛwɔlɛnu 13:22

Wota wati tenbinɛ, Alla ya Dawuda ma anuna mansɛ la. Alla ya kɛ le fɔ Mansa Dawudala ko la, a ko, ‘N bara a yen ko Yɛsila dan Dawuda le si n hɛnɛ kati! Wo le si n diyana-koe bɛɛ kɛ.’

Kɛwɔlɛnu 7:46

Mansa Dawuda wo ya hɛrɛ sɔrɔn Alla bolo. A ya Alla manyinika ni a si bɔn sɔ a benba Yakobata Alla ye

Hiburunu 2:10

Alla min bi dali-mansɛ la, a bɛnta ko a ni Yisa lakanbali tɔrɔyɛ fɛ. A ya wo ma alako Allata den siyamɛnu si ata gbiliyɛ sɔrɔn a fɛ nya min, ado Yisa le sɔra anu yarɔ anu kisi-koe la.

1 Samuwɛli 15:23

Ka murutiya Mari ma, wo yogo a yala iko suwagayɛ. Wasinteyɛ yogo a yala iko bɛsi-kɔ-koe. Bawo i wara i ban Marita kumɛ birala woletɔ ale fanan bara a ban ile fananta mansayɛ ma.”

1 Samuwɛli 15:26

Samuwɛli ya a fɔ ko, “N ti bila i fɛ nyɔ. Ile ara i ban Marita kumɛ birala. Ale fanan bara a ban ita mansayɛ ma Isirɛla mɔgɛnu kuma!”

1 Samuwɛli 15:28

Wo manɛ, Samuwɛli ya a fɔ a ye ko, “Mari fanan bara Isirɛla mɔgɛnuna mansayɛ rafara i ma bi wo nya na. A si a di mɔgɛ do ma min tenbira ile la.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 16:12

A fa ya mɔgɛ lata a kele tinɛ. A nara min kɛ, anu ya a yen, yaga, kemini-hakikɛ le. A tɔgɛ le Dawuda. Mari ya a fɔ Samuwɛli ye ko, “Nba, ale le kɛ la, yɔ! Dantɛgɛ-tuli kɛ a kunyɛ rɔ. Ale le si na ma mansɛ la.”

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.

1 Samuwɛli 24:20

N bara a lɔn gbɛ serr, ko ile le ye mala mansɛ la Isirɛla mɔgɛnu kun na, ado mansayɛ ti bɔ ila kebilɛ la.”

1 Samuwɛli 25:30

Mari ara lanyiri min bɛɛsi kiri i ye, a si wonu natɔnbagaya ka i ma Isirɛla mɔgɛnuna mansɛ la.

1 Samuwɛli 9:16

“Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”