1 Samuwɛli 13:12 - ALLALA KUMƐ

¹² N ya a lɔn nun ko Filisitinu bi nala buila le n ma Kiligali yan. N ma ko-wo-ko ma min si a ma, n ni diya Mari ye, wo le ya a to, n ya n miri, n ko fɔ n ni sarakɛ bɔ Mari ye.”

1 Samuwɛli 13:12 Iomraidhean Croise

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Emɔsi 8:5

Wo ye gbaranna wo nyɛrɛ la, wo ye a fɔla ko, “A sɔgɛ ye ma la, tele-sɛnimɛ kɛnuna wati ni ban tiriya, alako ma ni sɛgi mala yilaya-kɛ-tinɛ. Sulen-Tele kɛ wa ka-a-la, ma si don mala fen-mayirɛnu tɔ tun. Ma si mala fan dɛ gbɛlɛya. Ma si mɔgɛnu kensunya fen-suma-tinɛ. Ma si mɔgɛnu kensunya fannuna gbiliyɛ rɔ fanan.

2 Kɔrɛnti 9:7

Bɛɛ ni kɔlɛ kɛ worɔ iko a ara a miri a burɔ nya min. A kana kɔli kɛ yisi-magboyɛ la. A kana kɔli kɛ bawo anu bi i lagbengbenna. Mɔgɛ min bi fan dila a sewanɛ, wo le di Alla ye.

1 Samuwɛli 13:11

Kɔnɔ Samuwɛli ya a fɔ a ye ko, “I wara nfen ma kɛ la?” Mansa Sɔli ya a fɔ a ye ko, “Mɔgɛnu ta ara nyɛnsɛn n ma, ado i ya a fɔ le ko i ye nala. Kɔnɔ i ma na ila lɔgɔ-sanɛ kɔrɔ ha Filisitinu nadɛnta n kan ma Mikimasi.

1 Samuwɛli 13:13

Samuwɛli ya a fɔ a ye ko, “I wara yuwaya-koe le ma wo la. Ita Mari Alla ya tɔn minnu di i ma, i ma sɔn wonu bira-koe ma. Ni i ya a sako le kɛ nun, a si a ma, wobɛ i kegeyɛnu ni to mansayɛ la Isirɛla kun na burubukai!

1 Samuwɛli 15:12

Wo wulun sɔgɔma subaga, a tara Mansa Sɔli labɛn tinɛ. A ya a lamɔɛn ko Mansa Sɔli ara ta Kamɛli soe burɔ ka kuri do sigi nyɔ min si a ma, mɔgɛnu yili ti bɔ a ko. Wo kɔma, Mansa Sɔli ya a lamɔɛn tun ko Samuwɛli ara ta Kiligali.

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.

1 Samuwɛli 21:7

Wo ya a taran, Mansa Sɔlila saga-kandanna-kun-tigi min tɔgɛ Dowɛgi, wo ye saraka-masɔlɛ wo fɛ. A matanbaninɛ nyɔ bawo a tara min na Marita Fani-Bɔn la, a ma wo ka wɛ a la anubɛ Alla tɛma. Idɔm kɛ le ale la.