1 Samuwɛli 13:11 - ALLALA KUMƐ

¹¹ Kɔnɔ Samuwɛli ya a fɔ a ye ko, “I wara nfen ma kɛ la?” Mansa Sɔli ya a fɔ a ye ko, “Mɔgɛnu ta ara nyɛnsɛn n ma, ado i ya a fɔ le ko i ye nala. Kɔnɔ i ma na ila lɔgɔ-sanɛ kɔrɔ ha Filisitinu nadɛnta n kan ma Mikimasi.

1 Samuwɛli 13:11 Iomraidhean Croise

Ko-Dabirɛnu 3:13

Mari Alla ya a fɔ musi wo ye ko, “I ya kɛ tɛgɛ nfen ma?” Musi ko, “Duguma-fan le ya n yanfa woletɔ n ya gbɔɛ wo dɔn.”

Ko-Dabirɛnu 4:10

Wo kɔma, Mari ko, “I wara nfen ma kɛ la? I tole masɔ! I dɔgɛ yele ye dila n dala ka bɔ dugi rɔ a tayili-sara-koe la.

2 Samuwɛli 3:24

Yohabu tara a fɔ mansɛ ye a ko, “I wara nfen ma kɛ la? Abina ni na, i ya a boloka nfenna? A ni ta a warɛ wo nya fufafu?

2 Mansɛnu 5:25

A don bɔn la, Nɛbi Ilaisa ya a manyinika ko, “Ile bɔnɛ mintɔ kɛ la?” Ale Kɛhasi ko, “N ma ta kan-bo-kan.”

Aiseya 10:28

Ma yogenu bara Eyai soe bira-a-la. Anu tenbira Mikirɔn soe burɔ. Anu ya anuna dɔn-fannu to Mikimasi soe burɔ.

Yasowa 7:19

Yasowa ya a fɔ Ekan ye ko, “Nna dan, i ni tonyɛ fɔ Isirɛlata Mari Alla ye kaka ka i sɔ i hakɛ la. I ya min ma, wo fɔ n ye kaka. I kana ko-wo-ko dogon n ma.”

1 Samuwɛli 13:12

N ya a lɔn nun ko Filisitinu bi nala buila le n ma Kiligali yan. N ma ko-wo-ko ma min si a ma, n ni diya Mari ye, wo le ya a to, n ya n miri, n ko fɔ n ni sarakɛ bɔ Mari ye.”

1 Samuwɛli 13:16

Mansa Sɔli anubɛ ala den Yonatan anubɛ anuna kɛlɛ-dannu ya anu daga makɛ Kiba soe dafɛ Bɛnyamɛ bɔnsɔnta nyamanɛ rɔ. Wo ya a taran, Filisitinu daga makɛnɛ Mikimasi soe dafɛ.

1 Samuwɛli 13:2

Mansa Sɔli ya kɛlɛ-den waga sawa (3,000) bi ka bɔ Isirɛla mɔgɛnu tɛma. A ya a mɔgɛ toenu nasɛgi anu barɛnu tɔ. Ale ya kɛlɛ-dannu wo waga fila (2,000) bi. Wonu tora ale fɛ Mikimasi soe burɔ anubɛ kɔnkɔ-nyamanɛ rɔ Bɛtɛli soe dafɛ. A ya a to waga kelen (1,000) bila ala den Yonatan fɛ. Wonu tara Kibiya soe burɔ Bɛnyamɛta nyamanɛ rɔ.

1 Samuwɛli 13:23

Filisitinu ya kɛlɛ-den-kurɔn donu nata nyɔ ka kɔnkɔ-gbɛran-don-dɛ makandan Mikimasi soe dafɛ.

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.

1 Samuwɛli 14:5

Kuri min siginɛ kilɛ kan tɔ, wo yɛ lamununnɛ Mikimasi soe la. Min bi kilɛ dugu la, wo yɛ lamununnɛ Kiba soe la.