1 Samuwɛli 12:8 - ALLALA KUMƐ

⁸ “Ma benba Yakoba anubɛ ala denbayɛnu tara anu sigi Iyipiti tumɛ min, Iyipiti kɛnu tora anu tɔrɔ-belebele-wɛ kɛla ka anu kɔndɔfili. Wo benbanu tora dila Mari dala anu dɛnbɛn-koe la. A ya Musa anubɛ Aruna lata anu kunka tinɛ. Wonu denu bɔra wo benbanu na Iyipiti ka na anu na nyamanɛ kɛ rɔ yan.

1 Samuwɛli 12:8 Iomraidhean Croise

Yaburi 105:44

A ya sibolo-gbɛrɛnuna dugi di ala mɔgɛnu ma. A ya a ma, anu ya anuna sɛni sa tinɛnu bi anu bolo.

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Bɔ-Koe-Iyipiti 6:26

Mari kumara Aruna anubɛ Musa ye ka a fɔ anu ye ko anu ni Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Yilan-Yilan Koe 20:15

Ma benbanu tara Iyipiti tumɛ min, ma ya san siyaman bɔ nyɔ. Iyipiti mɔgɛnu ma ma bira a kin na nyɔ, ado anu ya ma tɔrɔ kosɛbɛ!

Kɛwɔlɛnu 7:15

Woletɔ Yakoba tara anu sigi Iyipiti nyamanɛ rɔ. Ale anubɛ ma benbanu siyi banta nyɔ le.

Yasowa 1:6

I ni i yisi gbɛlɛya ka i kerinteya. I si sɔ mɔgɛnu yarɔ ka ma anuna kɛlɛ-den-kun-tigi la. N ya nyamanɛ min di wo benbanu ma, i si mɔgɛnu gben nyɔ rɔ.

Yasowa 21:43

Mari ya nyamanɛ wo bɛɛsi di Isirɛla mɔgɛnu ma iko a ya lanyiri kiri anu benbanu ye nya min. Anu tara ka nyamanɛ wo mɔgɛnu kɛlɛ ka anu nɔ. Anu tora nyɔ.

1 Samuwɛli 10:18

A ya a fɔ anu ye ko, “Isirɛlata Mari Alla ko ale le ya wo tanka Iyipiti kɛnu masibɛ ma ka na wo la yan. A ko hali mɔgɛ minnu bi wo yakɔrɔ-mamɔla, a ya wo tanka wonu fanan ma.

1 Samuwɛli 12:6

Wo kɔma, Samuwɛli ya a fɔ anu ye tun ko, “Ale Mari kelen pe le ya Musa anubɛ Aruna yabɔ ka wo benbanu nabɔ Iyipiti nyamanɛ rɔ.