1 Samuwɛli 12:5 - ALLALA KUMƐ

⁵ Samuwɛli ya a fɔ anu ye ko, “Mari anubɛ ata mansa-yabɔnɛ ara ma sereyɛ la ma tɛma wona bi, ko wo ara n bara-koe fɛsɛfɛsɛ. Wo ma fɛɛ yen n na.” Anu denu fanan ya a fɔ ko, “Ɔn, Mari le ma sereyɛ la.”

1 Samuwɛli 12:5 Iomraidhean Croise

Ko-Dabirɛnu 31:50

Ni i ya nna dunmusinu bira boloko-yogomɛ-kɛ, nde ya sa i la kɔnɔ Alla kolonkɛ ye i la. Ni i ya dunmusu-gbɛrɛkɛ furu ka anu sa nna dunmusinu kuma, hali sereyɛ sa ma tɛma yan, i hɛnkili to a ko ko Mari le sereyɛ la mabɛ ile tɛma.”

Yobu 16:19

Sereyɛ do ye n bolo Arinyɛni tɔ. A si sɔ nta kumɛ la nyɔ.

Yobu 42:7

Mari ban kumala Yobu ye, a ya a fɔ Ɛlifasi fanan ye ko, “N bara diminya wobɛ i diyana-mɔgɔ filɛ ma bawo wo ma kuma-telennɛ fɔ iko nna wɔli-kɛla Yobu.

Yaburi 17:3

Ile ya n burɛ lɔn. I wara i gbɛrɛn n ma suyi rɔ. I wara n bara-koe fɛsɛfɛsɛ a kila-bɛrɛbɛrɛ fɛ kɔnɔ i ma fɛɛ-wo-fɛɛ yen n na, ado n bara a latɛgɛ ko foninya ti bɔ n dɛ rɔ.

Yɔni 18:38

Pailɛti ya a manyinika tun ko, “Tonyɛ ye nfen na?” Nba, Pailɛti bɔra Yahudiyanu barɛ luyi ma tun ka a fɔ anu ye ko, “Ndeta miriya, kei kɛ ma ko-yogoma fenfen kɛ!

Kɛwɔlɛnu 23:9

Woletɔ sɔnkɔ-sɔnkɛ koloyara. Tɔn-karan-mɔgɛ do minnu bi Farisinuna dina rɔ, wonu sɔra ka sɔsɔli-ba kɛ ko, “Ni kei kɛ ara ko-yogomɛ kɛ, male ma wo yen! Tumado tonyɛ le, nima-fan do ara kuma a ye nun, ni wo ma, melika.”

Kɛwɔlɛnu 24:16

Woletɔ n bi n bɛrɛmɛ kɛla tuma-wo-tuma ko n sɔndɔmɛ yilikibɛlɛ ni to Alla anubɛ mɔgɛnu yala.

Kɛwɔlɛnu 24:20

ado n sɔra Yahudiyanuta kun-tiginu yakɔrɔ tumɛ min, ni n yilikira ko-yogomɛ dola ko la, kei kɛnu ni wo fɔ i ye.

1 Kɔrɛnti 4:4

N sɔndɔmɛ gbɛnɛ feu! Kɔnɔ wo dɔrɔn ti a yira ko sɔn sa n na bawo Mari le n kitila.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

1 Samuwɛli 12:4

Nyama ya a lasɔnkɔ, anu ko, “Ade, i ma ma kensunya wɛ, hali ka ma tɔrɔ ha ma kɔndɔ ni fili. I ma fen bɔ wɛ ma fenfen bolo.”

1 Samuwɛli 26:9

Kɔnɔ Dawuda ya a fɔ a ye ko, “I kana ko-wo-ko ma a la bawo ni mɔgɔ-wo-mɔgɔ ya ko ma Marita mansa-yabɔnɛ la, ale Mari si wo tigi tɔrɔ.