1 Samuwɛli 12:23 - ALLALA KUMƐ

²³ Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.

1 Samuwɛli 12:23 Iomraidhean Croise

1 Mansɛnu 8:36

i ni wo lamɔɛn san-kole rɔ ka Isirɛla mɔgɛnu makoto. I ni anu nabila ko-nyimɛ-kɛ la anu si to min kɛla. I ya nyamanɛ min di anu ma, i ni bandɛ lana worɔ tun.

2 Ko-Kɔrɔta-Karan 6:27

E, Mari, i ni wo lamɔɛn Arinyɛni tɔ ka Isirɛla mɔgɛnu makoto. I ni anu nabila ko-nyimɛ-kɛ la anu si to min kɛla. Wo kɔma, i ya nyamanɛ min ma anu halalɛ la, i ni bandɛ lana nyɔ tun.

Yaburi 122:6

Wo ni madiyali kɛ alako yisi-kimɛ ni don Yerusalɛm soe burɔ. A di minnu ye, alamɛ wonu mara-a-la.

Yaburi 34:11

Wole nna dannu, wo ni wo tole masɔ n na. N si wo labila Mari gbiliya-nya la.

Yaburi 34:12

Wo ye a fɛ, wo ni to wo diya, wa? Wo ye nyinina simayɛ anubɛ sewɛ ma, wa?

Bɔ-Koe-Iyipiti 32:30

Wo banda kɛ, Musa ya a fɔ Isirɛla mɔgɛnu ye ko, “Wo ara bila Alla la kɔnɔ hali wo, n si ta Mari wara kɔnkɛ kuma kaka ka madiyali kɛ wole ye min tora. N si n taya. Tumado Mari si wo makoto.”

Hɛnkilimaya-Kumɛnu 4:11

N bi hɛnkilimaya-kilɛ anubɛ telenbagayɛ le yirala i la kɛ la, i si bila min fɛ.

Makawandili Kumɛnu 12:10

N ya n taya ka kuma-kolomɛnu sɛbɛ, ado n ya min bɛɛ sɛbɛ, wo bɛɛ telenta, wo bɛɛ tonya.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 27:18

Ni nɛbi-bɛrɛ le anu denu na, ado ale Marita kumɛ le ye anu da rɔ, a ko anu ni ale Alla Sɛnbɛ-Bɛɛ-Tigi madiya alako Bato-Bon-miran-toenu wo, a bolon-miran-toenu wo, a Yerusalɛm fen-kolomɛ toenu wo, wo fenfen kana ta Babilɔn nyamanɛ rɔ.

Yɛrɛmaya 42:4

N ya anu yabi a kin na, n ko, “N si Alla madiya wo ye iko wo ya a fɔ n ye nya min. Ni a ya ko-wo-ko fɔ n ye, n si wo fɔ wo ye. N ti ko-wo-ko dogon wo ma.”

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Kɛwɔlɛnu 12:5

Pita sanɛ yele la tumɛ min, Mari Yisata mɔgɛnu ma fara Alla matarala a ye mumɛ!

Kɛwɔlɛnu 20:20

Koe min bɛɛ si ma wo dɛnbɛn-koe la, n ma wo beli wo fenfen na iko wo ya a lɔn nya min. N ya kawandili bɔ ka wo karan gbɛ rɔ anubɛ wola bɔnnu na.

Romu 1:9

N sere le Alla la ko n bi min fɔ tinɛ, tonyɛ le. N bi wɔlila Alla le ye n yisi bɛɛ la ka ala danta kibara-nyimɛ wara-koe fɔ. Alla ya a lɔn ko wati bɛɛ, n bi n mirila wo ma

1 Kɔrɛnti 9:16

N bi kibara-nyimɛ lakela min kɛ, yo-wo-yo sa n bolo ka n nyɛrɛ matɔgɔ wola ko la bawo Alla le ya a fɔ n ye ko n ni wo ma, ado ni n ma kibara-nyimɛ lake, a si gbɛlɛya n kuma gben!

Kɔlɔsi 1:28

Woletɔ ma wa ta kan tinɛ min bɛɛ rɔ, ma si Yisa Kirasitita kawandili bɔ mɔgɛ bɛɛ ye nyɔ. Ma ye mɔgɛ bɛɛ lalɔnna ka anu karan a ma ma hɛnkili bɛɛ la alako ma ni mɔgɔ kelen-kelennamɛ-bɛɛ-kanbalinɛ lana Alla ma Kirasiti rɔ.

Kɔlɔsi 1:9

Wo le ya a to, kebi ma ya wo wara-koe lamɔɛn, ma ye Alla matarala wo ye tumɛ bɛɛ. Ma ye a matarala ko Alla ye min fɛ wo bolo, wo ni wo lɔn. Ma ye a matarala fanan ko a ni Allata Ni-Sɛnimɛta hɛnkili anubɛ ata lɔnnɛ di wo ma.

1 Tɛsalonaika 3:10

Su-ni-tele, ma ye a matarala ma yisi bɛɛ la alako a ni sɔn ma ni wo yen tun. Wo kɔma fanan, ni ma nara wo wara, wo makoe ye min na dɛnkɛninyɛ rɔ, ma ni wo dɛnbɛ wola ko la.

2 Timoti 1:3

Mabɛ n benbanu bi Alla batola ma sɔndɔma-sɛninyanɛ la. N ba Alla madiya su-ni-tele, n si baraka bira a ye ilela ko la.

1 Samuwɛli 12:19

Anu ya a fɔ Samuwɛli ye ko, “N fa, i yandi. Ita Mari Alla madiya ma ye alako ma kana na faga. Ma ara hakɛ do sa mala hakɛnu kuma tun bawo ma ya a manyinika mansa-sɔrɔn-koe ma.”

1 Samuwɛli 8:6

Samuwɛli ma sewa anuna mansaya-koe wo la woletɔ a ya Mari madiya.