1 Samuwɛli 12:20 - ALLALA KUMƐ

²⁰ Samuwɛli ya a fɔ ko, “Wo kana kilan. Hali wo ara ko-yogoma-su kɛnu ma, wo kana wo kan-kɔ sɔ Mari la. Wo ni ata wɔlɛ kɛ wo yisi bɛɛ la.

1 Samuwɛli 12:20 Iomraidhean Croise

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yaburi 101:3

Ka ko-yogomɛ-mafɛlɛn, wo ma di n ye muk! Minnu kan-kɔ sɔnɛ ile Alla la, wonu kɛ-nya gbo n ye kosɛbɛ! Ka tenbi wo la, nta sa anu bara-koe rɔ.

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Yaburi 40:4

Mɔgɔ-sewanɛ le wonu na minnu yigi sanɛ ile Mari rɔ. Wonu ti la bɛsɛ la, hali ka kofu a kɔlɛnu ma.

Bɔ-Koe-Iyipiti 23:25

Ni wo ya nde, Mari Alla bato, n si dɔn-fan anubɛ yi di wo ma duk, ka kiraya kuntan bɛɛsi bɔ wo tɛma.

Bɔ-Koe-Iyipiti 32:30

Wo banda kɛ, Musa ya a fɔ Isirɛla mɔgɛnu ye ko, “Wo ara bila Alla la kɔnɔ hali wo, n si ta Mari wara kɔnkɛ kuma kaka ka madiyali kɛ wole ye min tora. N si n taya. Tumado Mari si wo makoto.”

Yɛrɛmaya 3:1

Ni mɔgɛ ya a ban ala musi la ka a yili bɔ, ado musi wo ni ta sunburi ma kei-gbɛrɛkɛ wara, ala kei-kɔrɛ kana a bole sigi a kɔrɔ tun. Ni a sɛgira a ma tun, nyamanɛ la si tinya. Kɔnɔ Mari ko wole Isirɛla mɔgɛnu, wolebɛ wo kenintenu bara yɛlɛnyɛ kɛ siyaman. Nba, kaka, a sɔgɛ ye wole la, wo ni sɛgi ale Mari ma, wa?

Hegayi 2:5

Wo bɔra Iyipiti tumɛ min, n ya a fɔ ko n bi wo fɛ, ado n bi wo fɛ wo nya na le fanan, yɔ! N ti bɔ wo fɛ. Wo kana kilan.”

Tɔn-Fɔɛ-Fila-Nyɔgɛ 10:12

Musa ya a fɔ tun ko, “Wo Mari ye nyinina min ma wo bolo, wole Isirɛla mɔgɛnu, wo ni wo tole masɔ wo la. Wo ni Alla bato ka ata kumɛnu bira ka a ma iko a ya a fɔ wo ye nya min. Wo ni a keni ka ata wɔlɛ kɛ wo yisi bɛɛ la,

Tɔn-Fɔɛ-Fila-Nyɔgɛ 11:16

“Kɔnɔ hali wo, wo ni a ma wo fɛrɛma de! Wo kana wo kan-kɔ sɔ wota Mari la ka ta bɛsɛnu kɔ tinɛ.

Tɔn-Fɔɛ-Fila-Nyɔgɛ 31:29

N ya a lɔn ko n ba faga tumɛ min, Isirɛla mɔgɛnu si ma wunduyogenu na. Anu si anu ban nta karan kɛnu na. Kɔnɔ tɔ-a-la, anu si masiba-koenu sɔrɔn bawo anu ya Alla kuman-kan masɔsɔ. Woletɔ anu bara a ma, Mari fonde ara bɔ anu kuma dɔgɔma-ma-de!”

Yasowa 23:6

“Wo ni a ma wo fɛrɛma ka tɔn wo bɛɛsi bira min sɛbɛnɛ Musata tɔn-kitabu rɔ. Wo kana wo bɔ tɔn kɛnu fɛ hali!

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,

1 Samuwɛli 12:19

Anu ya a fɔ Samuwɛli ye ko, “N fa, i yandi. Ita Mari Alla madiya ma ye alako ma kana na faga. Ma ara hakɛ do sa mala hakɛnu kuma tun bawo ma ya a manyinika mansa-sɔrɔn-koe ma.”