1 Samuwɛli 12:18 - ALLALA KUMƐ

¹⁸ Samuwɛli ya madiyali kɛ. Tele wo nyɛrɛ rɔ, Mari ya bandɛ anubɛ san-gbalamɛ layigi. Wo ya a ma, Isirɛla mɔgɛ damasi kilanta Mari anubɛ Samuwɛli la.

1 Samuwɛli 12:18 Iomraidhean Croise

1 Mansɛnu 18:42

Mansa Ehabu ye fen dɔn kun na tumɛ min, Nɛbi Ilaya yɛlɛta Kamɛli kɔnkɛ kun tɛma. A ya a maburun dugi ma ka a kunyɛ gbangban a kunbelen filɛ tɛma.

Ɛsira 10:9

Yanni tele sawa wo ni ban, san wo karɛ kɔnɔntɛ, a tele mogan ma, kei min bɛɛsi ye Yuda anubɛ Bɛnyamɛ nyamanɛnu tɔ, wonu dama nara bɛn Bato-Bon-kata burɔ. Bandɛ ye nala biribiri! Mɔgɛ wonu tora yɛrɛyɛrɛnna kimɛ bolo, ado anu bi yɛrɛyɛrɛnna fanan ka a tɛgɛ ladɛn wo mankan ma.

Yobu 37:13

Alla si bandɛ lana ka dugu-yi sa. A si a lana mɔgɛnu tɔrɔ-koe la, ni wo ma, a si ala keninteyɛ yira mɔgɛnu na.

Yaburi 99:6

Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

Bɔ-Koe-Iyipiti 14:31

Mari ya ko-makawanɛ minnu kɛ Iyipiti kɛnu na, Isirɛla mɔgɛnu ya wo yen anu nyɛrɛ yɛ la ka kawa ata kabana-koe wonu ma. Anu kilanta Mari la ka a gbiliya. Wo le ya a ma, anu dɛnkɛninyara Mari ma ka la ata wɔli-kɛlɛ Musa la.

Yasowa 10:12

Kuma-kɔrɔ-fɔlɛ Yasari ya min sɛbɛ a nyɛrɛta buku rɔ kɛlɛ kɛla ko la, wo le kɛ la. A ko, “Mari ya Isirɛla kɛlɛ-dannu dɛnbɛ, anu ya Amora mɔgɛnu nɔ kɛlɛ-kɛ-tinɛ. Yasowa ya Mari madiya Isirɛla mɔgɛ bɛɛsi yala, a ko, tele ni sɔ Kibiyon soe kuma, karɛ ni sɔ Aiyalɔn-folo-wɛ kuma. “Tele ya a sɔ, karɛ fanan ya a sɔ ha Isirɛla mɔgɛnu banta anu yogenu fagala. Tele-latelen-wati, tele ya a sɔ. A ma yigi ha wo banda kɛ wurɛ la, a tora yigila.

Yasowa 4:14

Wo tele rɔ, Mari ya Yasowa gbiliya Isirɛla mɔgɛ bɛɛsi yala. Wo mara Yasowata gbiliyɛ la a siyi-tele-bɛɛ rɔ iko anu ya Musa gbiliya nya min.