1 Samuwɛli 12:17 - ALLALA KUMƐ

¹⁷ Telemɛ le kɛ la kaka. Kɔnɔ hali wo, n si Mari madiya. Wo si bandɛ anubɛ san-gbalamɛ yen wo nyɛrɛ yɛ la kaka. Wo wa ma tumɛ min, wo ni a lɔn worɔ yati, ko wo ara hakɛ-belebele kɛ Mari la bawo wo ara a manyinika mansaya-koe la.”

1 Samuwɛli 12:17 Iomraidhean Croise

Yaburi 99:6

Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

Bɔ-Koe-Iyipiti 32:30

Wo banda kɛ, Musa ya a fɔ Isirɛla mɔgɛnu ye ko, “Wo ara bila Alla la kɔnɔ hali wo, n si ta Mari wara kɔnkɛ kuma kaka ka madiyali kɛ wole ye min tora. N si n taya. Tumado Mari si wo makoto.”

Hɛnkilimaya-Kumɛnu 26:1

Bandɛ min bi tola nala dɔn-fen tɛgɛ wati rɔ, ni wo kin ile yala, nba, mani mɔgɔ wa kun-takolɔn matɔgɔ, wo fanan kin.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yasowa 10:12

Kuma-kɔrɔ-fɔlɛ Yasari ya min sɛbɛ a nyɛrɛta buku rɔ kɛlɛ kɛla ko la, wo le kɛ la. A ko, “Mari ya Isirɛla kɛlɛ-dannu dɛnbɛ, anu ya Amora mɔgɛnu nɔ kɛlɛ-kɛ-tinɛ. Yasowa ya Mari madiya Isirɛla mɔgɛ bɛɛsi yala, a ko, tele ni sɔ Kibiyon soe kuma, karɛ ni sɔ Aiyalɔn-folo-wɛ kuma. “Tele ya a sɔ, karɛ fanan ya a sɔ ha Isirɛla mɔgɛnu banta anu yogenu fagala. Tele-latelen-wati, tele ya a sɔ. A ma yigi ha wo banda kɛ wurɛ la, a tora yigila.

1 Samuwɛli 12:13

Samuwɛli ya a fɔ anu ye tun ko, “Wo ma wola mansa-siginɛ yen? Wo ara a wara-koe manyinika, ado Mari ara a di wo ma.

1 Samuwɛli 12:19

Anu ya a fɔ Samuwɛli ye ko, “N fa, i yandi. Ita Mari Alla madiya ma ye alako ma kana na faga. Ma ara hakɛ do sa mala hakɛnu kuma tun bawo ma ya a manyinika mansa-sɔrɔn-koe ma.”

1 Samuwɛli 2:10

Mari yogenu si kasara. A si tɔrɔyɛ layigi anu kuma iko san-gbalamɛ. Mari si duninya-mɔgɛ bɛɛ kiti tɛgɛ. Ale le si sɛnbɛ di ata mansɛ ma. Ata mansa-yabɔnɛ si nɔ-ko sɔrɔn.”

1 Samuwɛli 7:5

Wo kɔma, Samuwɛli ya Isirɛla mɔgɛ bɛɛsi kele alako anu ni na a taran Misipa soe burɔ. A ya kilayɛ lata ko a si madiyali kɛ anu ye nyɔ.

1 Samuwɛli 8:6

Samuwɛli ma sewa anuna mansaya-koe wo la woletɔ a ya Mari madiya.

1 Samuwɛli 8:7

Mari ya a fɔ ale Samuwɛli ye ko, “Mɔgɛnu bara min fɔ i ye, i ni i tole masɔ wo la. Anu sa anu banna ilela kun-tigiyɛ ma. Anu bi anu banna nde letɛ ma.