1 Samuwɛli 12:13 - ALLALA KUMƐ

¹³ Samuwɛli ya a fɔ anu ye tun ko, “Wo ma wola mansa-siginɛ yen? Wo ara a wara-koe manyinika, ado Mari ara a di wo ma.

1 Samuwɛli 12:13 Iomraidhean Croise

Hoseya 13:11

Hali n kɔrɔtɔnɛ, n sɔnta wola mansaya-koe ma. Wo kɔma, n ya mansaya-koe bɔ wo tɛma fanan nta kɔrɔtɔ kelan wo la.

Kɛwɔlɛnu 13:21

Kɔnɔ anu nɔrɔta mansaya-koe ma min kɛ, Alla ya Kisila dan Sɔli di anu ma ka bɔ Bɛnyamɛ bɔnsɔn rɔ alako wo ni ma anuna mansɛ la. A tora mansayɛ la san bi-nani kɔrɔ.

1 Samuwɛli 10:24

Samuwɛli ya a fɔ mɔgɛnu ye ko, “Wo ara a yen Mari ara mɔgɛ min yabɔ? A nyɔgɔn-takɛn sa wo do-wo-do rɔ yan tɔ.” Mɔgɛ wo bɛɛ ya anu kan nabɔ anu nyɔgɔn fɛ anuna mansa kura wo ye ko, “Alamɛ i mɛra!”

1 Samuwɛli 11:15

Anu dama tara Kiligali. Anu ya yisi-kima-sarakɛnu bɔ Mari ye kan-tina-sɛnimɛ rɔ nyɔ ka Sɔli sigi mansayɛ la wulɔn. Sɔli anubɛ ala nyamanita-mɔgɛnu ya ladiyɛ kɛ anu nyɔgɔn fɛ.

1 Samuwɛli 12:17

Telemɛ le kɛ la kaka. Kɔnɔ hali wo, n si Mari madiya. Wo si bandɛ anubɛ san-gbalamɛ yen wo nyɛrɛ yɛ la kaka. Wo wa ma tumɛ min, wo ni a lɔn worɔ yati, ko wo ara hakɛ-belebele kɛ Mari la bawo wo ara a manyinika mansaya-koe la.”

1 Samuwɛli 12:19

Anu ya a fɔ Samuwɛli ye ko, “N fa, i yandi. Ita Mari Alla madiya ma ye alako ma kana na faga. Ma ara hakɛ do sa mala hakɛnu kuma tun bawo ma ya a manyinika mansa-sɔrɔn-koe ma.”

1 Samuwɛli 8:5

Anu ya a fɔ a ye ko, “N fa, ile ara wuli kɔrɔyala, ado ila dannu sa sɔnna i kɛ-nya bila. A sɔgɛ ye ma la, i ni i bole sɔ mɔgɛ do la min si ma mala mansɛ la alako male fanan ni mansɛ sɔrɔn iko sibolo-gbɛrɛ minnu bi mala foolɛ rɔ.”

1 Samuwɛli 9:20

Ka a tɛgɛ wola sofɛlɛnu bara-koe ma minnu tununɛ tele sawa nyɔgɛ la bi, wo kana hɔn wonuna ko la. Anu bara yen. Kɔnɔ Isirɛla mɔgɛnu bi nyinina yon ma bi, ni wolebɛ i fala denbayɛnu ma?”